X

15

Nov

NIVEAU D'OCCITAN

Jogar, Cantar e Dançar : transmetre la lenga e la cultura per lo despèrt musical.

Del : 15 novembre 2016 16:00

Al : 15 novembre 2016 20:00

Luòc : 1 Boulevard Bertrand Duguesclin, 34500 Béziers, France

Tipe : Talhièr

Airal lingüistic : Lengadòc

i

Lo CIRDÒC vos prepausa un talhièr sus las accions de sensibilizacion dels enfants al patrimòni cultural immaterial regional e de transmission de las musicas e jòcs gestuals de tradicion orala a partir de l'utilizacion del Cançonièr Totemic Lengadocian.

Lo Cançonièr totemic lengadocian, publicat en 3 volums per las edicions Trabucaire, fa part de las òbras de referéncia per la transmission dels rituals dançats e cantats de l’espaci lengadocian. Manual vertadièr per la descobèrta dels rituals culturals immemorials e del patrimòni immaterial regional, constituís tanben un otís fabulós d’animacion, de formacion, de transmission per d’activitats ligant practicas artisticas, descobèrta del patrimòni cultural immaterial e transmission de la lenga occitana. 

Per qual ?

Ensenhaires, animators, intervenents en animacion periscolara o culturala, professionals e associacions actors de la promocion e de la transmission del patrimòni cultural immaterial regional.

Los intervenents :

Mari-José Fages-Lhubac e Jean-Michel Lhubac trabalhan dempuèi 30 ans dins un metòde d'etno-pedagogia sus las connexions existentas entre las practicas infantilas dempuèi lo balançament de la breçairòla, passant per los rites de passatge de l'adolescéncia e lor continuitat dins los rituals tradicionals dels vilatges. Co-autors amb Josiana Ubaud de la seria dels Cançonièrs Totemics Lengadocians en 3 volums, animan regularament de talhièrs de despèrt musical.

Programa e infòs practicas

Dimars 15/11/2016

16h-18h : Talhièr practic. Utilizar los jòcs, musicas e danças tradicionalas dins l'encastre d'animacions e d'activitats de despèrt musical a destinacion dels mainatges. 
Talhièr gratuit - Sus inscripcion

18h-20h : A l'ocasion de la parucion del tresen volum del Cançonièr Totemic Lengadocian, rencontre amb los autors,  Jean-Michel e Marie-José Lhubac.
Dobèrt a totes - Entrada liura.

Contacte :

CIRDÒC - Mediatèca Occitana

Place du 14-Juillet - 34500 Béziers

04.67.11.85.10 - m.ficat@cirdoc.fr

Daissatz un comentari

<