fabrica
Agenda
: Tota la creacion occitana
fabrica
La dictada occitana se debanarà lo dissabte 28 de genièr de 2017 dins 40 vilas, de Bordèu a Niça e duscas a Barcelona e Valéncia, çò qu’afortís la volontat d’un fum de personas d’aprene a escriure la lenga.
A Cecenon d’Òrb, se tendrà dins la sala de las fèstas, tre 1 ora e mièja de la tantossada (13h30).
Es l’endrech unenc d’Erau onte podretz participar a aquela manifestacion. A Cecenon, lo tèxt de la dictada es un tèxt original e inedit.
Se pòt competir dins una de las quatre categorias seguentas : escolans, collegians, liceans, adultes.
De segur, la sanflorada serà recompensada, mas totòm se’n tornarà amb son diplòma.
Al programa :
• 13h30 : acuèlh dels participants e dels espectators
• 14h : acuèlh de las personalitats
• 14h15 : paraulas de benvenguda, allocucions de las personalitats e consignas per la dictada
• 14h45 : dictada
• 15h30 : vespertin
• 15h45 : recital del cantaire occitan JOANDA
• 16h45 : Comèdia musicala : « Au bar des rencontres »
• 18h : atribucion dels prèmis e vin d’onor
L’aprèp-dinnada tota :
taulièrs de venda : libres, disques, DVD, produches del terrador, exposicion sus la revòlta vinhairona de 1907 fargada pel CIRDÒC
Vos podètz marcar a la dictada en sonar lo 04 67 89 63 70, o alara en mandar un mèl a danielcougnenc@gmail.com, en precisar vòstre nom d’ostal, votre pichon nom, un numèro de telefon onte vos podem tocar, e la categoria dins la quala vos presentatz.
Las inscripcions de darrièra minuta son tanben possiblas sus plaça, lo dissabte 28 de genièr de 2017, abans la debuta de la dictada.
Una autorizacion parentala es d’emplenar se los minors son pas acompanhats de sos parents o ensenhaires (véser peça junta).
Tot es a gràtis, e cal pas aver paur de se lançar ! Parlarem sonque pas de dècas, e vos asseguram que passaretz un moment requist !
Emai volgatz pas participar pas a la dictada, sètz los benvenguts, trantalhetz pas mai e venètz nos retrobar.
Contactez nous a propos de cette page