fabrica

Agenda : Tota la creacion occitana
Licéncia Licence Ouverte
Talhièr : Comunicar : développer l’audience de son projet culturel  <br /><br />

Talhièr : Comunicar : développer l’audience de son projet culturel

Aire culturelle : Languedoc
Occitan : Un peu
Date : 2017-03-31
Créateur : CIRDÒC-Mediatèca occitana
Ajouter a mon calendrier +


Comprene e ciblar sos diferents publics, optimizar sas causidas de supòrts e rets de difusion, escambiar amb de professionals sus las bonas practicas e iniciativas innovantas... Un talhièr novèl de la mediatèca occitana organizat amb l'agéncia Caravansérail a destinacion de las associacions que programan e difusisson la creacion occitana d'uèi.
Aquela jornada de talhièr es dobèrta a totes los portaires de projèctes culturals desiroses de desvolopar d'estrategias novèlas de comunicacion e de desvolopar lors publics.

Entrada gratuita sus inscripcion 


" class="fabrica">
Entrada gratuita sus inscripcion 


Programa de la jornada

 

De 10h30 a 12h30 : Promòure son projècte cultural, quinas estrategias en foncion de quins publics ?

Plan anticipada e pensada, la comunicacion es un atot indispensable per assegurar lo succès d'un projècte cultural : mobilizar un public nombrós e diversificat a l'entorn d'un eveniment, mas tanben rendre visibla l'accion d'una associacion o d'un portaire de projècte dins la durada.  

Especializada dins la mediacion e l'engenheria culturalas, qu'a plaçada al còr de son projècte la question de l'interculturalitat, l'agéncia Caravansérail vos presentarà las bonas practicas, los otisses disponibles mas tanben los escuèlhs d'evitar per menar corrèctament sa comunicacion. Descobrir l'agéncia e sos projectes : Aquí. 


Una atencion particulara serà donada als besonhs concrets dels portaires de projèctes.

 

De 14h a 16h : Retorns d'experiéncia a l'entorn d'un exemple concrèt d'una comunicacion territoriala capitada

Per tal d'illustrar e d'aprigondir la presentacion propausada en matinada per l'agéncia Caravansérail, dos portaires de projèctes se juntaràn a nosautres  per escambiar sus lors experiéncias passadas en matèria de comunicacion culturala e evenimenciala, las estrategias e solucions adoptadas e lor impacte alprèp dels publics.

Presentacion dels intervenants

Caravansérail

Coma son nom o suggerís, l'agéncia Caravansérail amainatja d'escalas culturalas a las coloracions definitivament mediterranèanas. Creacion d'otisses de mediacion, prestacions de formacion, organizacion d'eveniments literaris, gestion de projèctes culturals (de l'audit a la comunicacion)... sa directritz Delphine Soulié-Laporte tira partit de son experiéncia coma responsabla d'establiments e cap de projèctes culturals per acompanhar las associacions coma las collectivitats localas o festenals. 

Wolfang Idiri – Director de la manifestacion Escale à Sète

Creada en 2010 a l'iniciativa d'actors benevòls del monde de la mar e del pòrt, Escale à Sète a despassat, en 2016, per sa quatrena edicion, lo cap dels 300 000 participants. Wolfgang Idiri, director del festenal de las tradicions maritimas, presentarà l'estrategia de comunicacion desvolopada per una manifestacion que, nascuda d'un grop de musicians de las ajustas lengadocianas e de cançonejaires del golf de Lion, « Les Mourres de Porc » saupèt federar a son entorn, lo mond maritim e al delà...



Contactez nous a propos de cette page