fabrica

Agenda : Tota la creacion occitana
Licéncia Licence Ouverte
Journée d’études Félix Castan

Journée d’études Félix Castan

Secteur : Littérature
Aire culturelle : Languedoc
Occitan : Un peu
Date : 2017-05-05 10:00:00
2017-05-05 16:30:00
Créateur : REdOC-LLACS
Ajouter a mon calendrier +


Presentacion

Los ensenhaires-cercaires del departament d'occitan de l'Universitat Paul-Valéry (Montpelhièr) e del laboratòri «Recherche en domaine occitan» (RedOC-LLACS) an consacrat dempuèi d'annadas de collòquis o de jornadas d'estudis a un fum d'autors màgers de la renaissença d'òc dempuèi lo sègle XIX, que s'agisca de Frederic Mistral, Max Roqueta, Leon Còrdas, Loisa Paulin, Sergí Bec, d'autres encara, en particulièr dins lo quadre d'un projècte de cèrca sus la poesia d'òc de 1930 a 1960. En parallèla, an iniciat lo projècte «Vidas - Per un diccionari biografic de la renaissença d'òc dels sègles XIX-XXI» en partenariat amb lo CIRDOC (http://vidas.occitanica.eu). Es dins lo drech fial d'aqueles projèctes, al caireforc de l'istòria dels moviments socials e culturals, de l'istòria de las idèas e dels estudis literaris qu'es organizada aquela jornada d'estudi a l'entorn de l'òbra de Felix Castan, poèta, teorician, militant, actor de la valorizacion del teatre e de l'art occitan, que  foguèt un dels pilars de l'Institut d'estudis occitans (IEO). Lo ròtle de Castan dins la vida culturala occitana, lo debat d'idèas, la pensada occitana sus mai de mièg-sègle foguèt considerable e contunha de viure dins sas influéncias nombrosas sus la pensada, l'accion e la creacion occitana d'uèi. 

Programa

  • 9h - Acuèlh
  • 10h Roland Garrigues : Felix Castan a Montalban
  • 10h30 - Hervé Terral : Castan «Eiritièr» de Perbosc
  • 11h -Maria-Joana Verny : de la correspondéncia Castan / Lafont : 1943-1964. Idèas e debats
  • 11h30 - 12h30 : presentacion e visita del CIRDOC 
  • 14h - Felip Gardy : Felix Castan e la literatura occitana : lo metòde "generacional" coma otis d'analisi e arma del combat intellectual occitanista. 
  • 14h30 - Cécile Noilhan : Felix Castan e la Seconda Guèrra mondiala : Resisténcia per las letras, Resisténcia per las armas. 
  • 15h Clara Torreilles : Letras de Castan a Enric Espieut sus la direccion de «Messatges»
  • 15h30 - Jean-Paul Damaggio: Marxismes e occitanismes segon Felix Castan. 
  • 16h - Silvan Chabaud : Castan blues : la pensada de Castan al còr del reviscòl musical occitan de las annadas 90 (Fabulous Trobadors e Massilia Sound System). 
  • 16h30 - François Pic : Ensagi de bibliografia de Felix Castan (1920-2001).

17h - Las conclusions de la jornada seràn tiradas per Felip Martel.



Contactez nous a propos de cette page