Aprèp los eveniments de la prima e de la davalada de 2016 aculhits dins lo site somptuós de Sant Guilhèm dau Desèrt, lo Centre Internacional de Musicas Medievalas – Del cèl als marges (CIMM) crèa un eveniment de tipe festenal-rencontres del 21 al 24 de mai. Abans la debuta del festenal, tre lo 14 de mai, son organizats dos talhièrs d'arqueo-laütariá.
Fisèl a sa volontat d'associar artistas, laütièrs e cercaires per renovar l'apròcha de las musicas medievalas, lo CIMM prepausa un eveniment complet destinat al public grand, que mescla concèrts, talhièrs, conferéncias e exposicion d'instruments.
Convencionat amb l'Universitat Paul-Valéry Montpelhièr 3 e lo Conservatòri a Raionament Regional de Montpelhièr Mediterranèa Metropòli, lo CIMM promòu la creacion dins lo domeni de las musicas medievalas, aquò per le presa en compte de l'apòrt de la cèrca musicologica e los enjòcs contemporanèus de l'espectacle viu. Aculhís d'artistas professionals en residéncias de creacion e de sensibilizacion que donan luòc a de concèrts e a de conferéncias per sensibilizar un public larg a la riquesa e a l'originalitat d'aquelas musicas.

Programa de la jornada del 21/05 :

• 10h00-16h00, musèu de l'abadiá. - Exposicion d’instruments medievals restituits, presentats per Olivier Féraud

• 14h30-16h00, musèu de l'abadiá. Conferéncia-rencontre a l'entorn de l'arqueo-laütariá. amb los laütièrs Yves d’Arcizas e Olivier Féraud : Los enjòcs de l'arqueo-laütariá e Presentacion de la arpa romana de Guilhèm VIII, sénher de Montpelhièr (1192)

• Concèrts : 

18H15, carrièras del vilatge. A l’Escola N’Eblon, Brice Duisit, cant e vièla a arquet, concèrt collaboratiu deambulatòri. 

21h00, abadial.  La Flama del trobador desconegut, ensemble La Flama (dir. Xavier Terrasa)

Informacions practicas 

- Exposicion, conferéncia e concèrts del 21 de mai : entrada liura.

Contacte : 

contact@cimmedieval.org
06 70 74 19 20