Presentacion del espectacle

Sus un carriòl que ròda, un pòble viatjaire del temps vos mena en passejada per escotar los poèmas d'Omar Khayyâm meses en musica e cantats dins de lengas de Mediterranèa.
Una pichona armada libertària vos convida a la passejada, desliura son messatge puèi desapareis. Sos membres avançan amassa, traversan lo temps e pòrtan en èles de raices mediterranèas fòrtas. Sabèm pas se son de fantaumas o masques, sèm segurs per contra que son de passaires de paraula, liures e que s'arrèstan pas jamai. 

Al mitan d'un instrumentarium compausat de flaütas tradicionalas e de percussions, l'utilizacion de trompas d'argila de la ceramista Marie Picard nos mena als primièras oras de l'accion musicala umana. 

Las voses parladas e cantadas, dins lor diversitat de lengas e de timbres populars, pòrtan al sens e a l'emocion, dobrisson a l'imaginari. S'inspiran de cants de trabalh, d'incantacions misticas, reprodusan las complanchas, cridas, exclamacions festivas per conduire l'auditor del reculhiment a la dança e a l'estransi carnavalesc. 

Informacions practicas

Divendres 8 de setembre, Fontarecha
A partir de 18 : 30
Centre del vilatge, Plaça de la glèisa - Entrada liura e gratuita

Per cada data : repais de barri, portatz vòstre picnic !

Informacions : Ofici de Torisme País d’Usès : 04 66 22 68 88 / descerises@orange.fr

Site internet del festenal : http://www.ccpaysduzes.fr