Los 17 e 18 de febrièr que venon, INTER'CAL e lo Théâtre des Origines organizon un estagi de teatre, cant, dança e rituals carnavalescs, dobèrt al public adulta que l'unica motivacion es de crear son personatge e d'integrar una banda carnavalesca.

Dos jorns d'immersion dins lo monde efemèr de « Carnaval » dispensat per la còla del Teatre de las Originas.

Presentacion de l'estagi :

Lo Teatre de las Originas vos propausa un estagi per viure Carnaval jos la masca e dins la banda carnavalesca. L'experiéncia serà la de crear sa masca e de far viure lo personatge que naisserà per aquela masca.
La masca e lo jòc carnavalesc permeton d'abordar las questions de la transgression e de l'identitat per qué Carnaval joga amb la lei e las convencions socialas.

La masca de Carnaval nos permet d'abordar :
- Lo jòc de la transgression ;
- Lo jòc de las identitats ;
- Lo jòc de la diferéncia dels sèxes.

« La masca carnavalenca es un joglar que nos va far saltar del jòc de la transgression al jòc de las identitats e a lo de la diferéncia dels sèxes ».

Dissabte 17 de febrièr – 9h30-17h30 // Carnaval en banda

Dimenge 18 de febrièr - 09h30-17h30 // Carnaval e la masca
S'agís d'assegurar l'animacion d'un talhièr de jòc de masca carnavalesca. Lo trabalh se farà a partir de l'invencion de personatges que prendràn naissença per lor masca ; es aquela gestacion-creacion de la masca, menada per cada participant, que permetrà la descobèrta del personatge carnavalesc.

Informacions practicas :

Ados e adultes (tre 14 ans...). Pas de coneissença prealabla necessària.
Luòc : Collègi Calandreta Leon Còrdas, 657 carrièra de la Crotz verda, Pargue Euromedecina, 34090 Montpelhièr.
Inscripcions : theatre.des.origines@gmail.com
Tarifa : 20 euros per los dos jorns. Repais sortit de la saqueta.

Site e informacions complementàrias : https://www.facebook.com/events/142154809809496