Los musicians e las musicianas de la Federacion TOTEMIC son uroses de vos convidar a una jornada MUSICALA e FESTIVA lo 10 de MARÇ a St Cristòl (34).
Aquesta jornada desbocarà sus una sortida pendent lo rescontre dels pichòts totèms que se debanarà a l'iniciativa dels Amics de la Baragònha lo 18 de març (totjorn a St Cristòl).

Que siaguèssetz musician(s), musiciana(s), amator(s), amatritz(ses), professional(s), professionala(s), afogat(s), afogada(s) o curiós, curiosa(s), sètz los benvenguts e benvengudas !

Aquesta jornada inaugurarà un chantièr d'òbra de la Federacion a l'entorn de las transmissions e creacions musicalas totemicas.

Programa de la jornada :

- 9h30 Acuèlh dels participants.
- 10h – 11h30 Presentacion per cada grop musical de « l'imne » e dels instruments qu'acompanhan son totèm. Debuta de mesa en comun del repertòri amb un trabalh musical que podriá desbocar sus una debuta d'aprendissatge d'un repertòri comun e interpretable per totes.
- 11h30 – 12h30 Escambi e discussion sul ligam indispensable entre un totèm e sa musica, cossí o prene, o faire partejar e viure ; Transmission del saber, formacion, pairinatge, mas tanben que s'espèra de la federacion ? E quinas son sas proposicions.
- 12h30 – 14h Repais tirat de la Saca.
- 14h – 17h Meteis trabalh qu'aquel del matin mas sus « los imnes » dels totèms qu'an pas a l'ora d'ara un grop musical. Amb en prioritat aprendissatge dels tròces dels pichòts totèms que seràn presents lo 18 de març per tal d'assegurar lor animacion musicala per aquesta fèsta.

Inscripcions obligatòrias abans lo 5 de març alprèp de la federacion : federation.totemic@gmail.com