X

Retrobam per la segonda annada la cantaira Naïma Chemoul, acompanhada de son grope Maayan per la presentacion de son espectacle novèl : « Aur/Or/אור ».

Aur/Or/אור es una creacion musicala e poetica dedicada a la votz de las femnas e al desir feminin.
Aur met en musica e en lum, las òbras de poetessas occitanas e ebraïcas : Aurelia Lassaque, Haya Esther, Leah Golberg…
Los tèxtes d'aquelas poetessas desvelan una escritura de la generositat feminina, que presenta un Eros infinit. Aquí lo cant de Naïma Chemoul en complicitat intima amb sos musicians enlaçan l'escritura, se ligan al còrs, al desir feminin, dins un acte desliurat e salvador.
Las nòtas se lifan, las lengas se fregan, s'entremesclan, téissan lor dança, dins una intimitat partejada al delà de l'occitan, de l'ebrèu e del francés.
Lo cant e la musica, la poesia e lo teatre convidan a escotar e a reconnéisser un lengatge, lo del desir feminin e de las emocions que fa nàisser en nos.

INFORMACIONS PRACTICAS

Espaci Apollo de Mazamet : Place MARÉCHAL LECLERC - MAZAMET
Tèl : 05 63 97 53 53

Site de l'Espaci  Apollo : AQUÍ

Tot public a partir de 12 ans | Durada : 1h20 | Tarifa complèta : 15€ | Abonat : 12€ | Reduit : 10€

Daissatz un comentari

<