Peau d'Aur met en scèna la poetessa Aurèlia Lassaque e la cantaira Naïma Chemoul. Dins aquel espectacle, l'occitan, lo francés e l'ebrèu se conjugan al temps del desir femenin. Peau d'Aur es una variacion poetica e intimista del concèrt AUR. I trobam cantadas e dichas per Naïma Chemoul, las paraulas de poetessas de la Mediterranèa granda, vengudas d'Israèl, de Siria, de Catalonha e de França amb Haya Ester, Marcelle Drutel Leah Goldberg, Maram Al Masri, Maria Mercéè Marçal e tanben Alem Surre-Garcia. En resson al cant e a la musica que de còps, esposan son tèxte e sa votz, Aurèlia Lassaque nos mena dins un univèrs panteista, fantasmagoric e sensual, a travèrs una composicion poetica que celèbra lo solstici d'estiu, tirada de son recuèlh Pour que chantent les salamandres a las Edicions Bruno Doucey.

Complicis de l'enchantament :
Anthony le Foll per la mesa en scèna
Thierry Di Filippo al hang, oud e guitarra
Dario Luciani a las percussions

INFORMACIONS PRACTICAS

Un eveniment propausat pel CIRDÒC   a la MJC de Besièrs, a la seguida de tres jorns de residéncia artistica. 

Tèl : 04 67 11 85 10

Site del CIRDOC : locirdoc.fr

Entrada gratuita.