X

25

Mai

Lenga : Occitan

La Passem !

Del : 25 mai 2018 00:00

Al : 27 mai 2018 00:00

Luòc : Pyrénées-Atlantiques, France

Tipe : Passejada

Airal lingüistic : Gasconha

i

La PASSEM ! en quauques mots…

Son nom a été choisi pour sa double signification :

Lo nom causit qu’a ua significacion dobla :

- passem, correm capvath tot lo territòri on la lenga ei parlada
- passem lo testimòni, transmetem la lenga
Que’s vòu abans tot e a l’encòp :

- un simbèu : l’urgéncia e la necessitat de la transmission de la lenga
- un apèr : tà finançar iniciativas en favor de la lenga
- un escambi : tà comunicar e partatjar
- un encontre : per ua hèsta a l’entorn de la lenga



LA PASSEM ! mòde d’emplec

La purmèra edicion que’s hè a la fin deu mes de mai de 2018, deu divés 25 a 14h tau dimenge 27 a la medisha òra. Que trauca tot lo departament en la soa partida gascona e bearnesa, 3 dias e 2 nueits de reng, shens cès ni pausa, en seguint lo camin detalhat ací devath.

Apuish, que’s harà a an passat, las annadas paras, tostemps aus mes de mai-junh. Cada edicion que vederà a cambiar las vilas de partir e d’arribar.

Tot au long de la corruda, un testimòni simbèu de la nosta lenga qu’ei transmetut de man en man, a cada quilomètre. Que contien un messatge tienut secret dinc a l’arribada.

LA PASSEM ! : eveniment solidari, esportiu, culturau, popular, hestiu, engatjat…

LA PASSEM ! qu’arcuelh monde d’ací e d’aulhors, que siin locutors on non, mes sensibles au riquèr de la lenga.

Que podem crear l’animacion o profieitar de las festivitats locaus, concèrts, teatre, taulèrs, esdejuars… organizats tot au long de la corruda. Çò de mei important qu’ei de participar, de paréisher, de s’amusar e qu’ei tanben lo parat d’enténer, de har enténer e d’utilizar la lenga, de har-la soa, quan seré sonque tà díser « adishatz » o « hilh de p… » !

Tà cada vila o vilatge traucat, que hèm aperet a la mobilizacion de tots, eslejuts locaus, associacions esportius o culturaus, grops de musicians o cantaires, entà qu’organizin ua hèsta o un rendetz-vos culturau. Que v’invitam a la hèsta entà que visca la lenga nosta.

Juntatz-nse !

 

Que serà ua corruda-relais capvath tot lo noste territòri.

Que l’avem batiada LA PASSEM



INFORMACIONS PRACTICAS


Site : http://lapassem.com/

Contacte : Association Ligams

46 Boulevard Alsace Lorraine
64000 Pau

ligamsligams@gmail.com
06 38 93 85 86

 

Daissatz un comentari

<