A l'escasença de la fèsta de la Musica e del darrièr talhièr « Cultiva ton òc » del semèstre, lo CIRDÒC vos prepausa una session descobèrta de las musicas occitanas.

17h30-18h30 - La playlist de Jordan

Session d’escota de pepitas eissidas dels fonzes musicals trobadas e comentadas per Jordan Saisset, responsable musica del CIRDÒC e co-autor de l’antologia Musicas occitanas (ed. Le Mot et le Reste, 2016). Venètz far l’experiéncia d’un viatge musical dins lo temps e las geografias occitanas al fial de las influéncias e rompeduras d’una cultura musicala millenària : de l’art dels trobadors referéncia dels performaires contemporanèus, dels cabretaires parisencs de la Bèla Epòca als musicians electronics auvernhats d’uèi, de la cançon folk engatjada de las annadas 70 al metal occitan de las annadas 2010...



18h30-19h30 – Al rencontre de Melania Laupies, jogaira d’autbòi lengadocian

Aisidament associat a las ajustas setòrias, l’autbòi lengadocian es l'instrument emblematic del Lengadòc maritim dins son ensemble. Per ne comprene las especificitats, los repertòris e los enjòcs actuals, res de melhor qu’una especialista : de l’enche de canavèra pinçada entre los pòts fins a la còrna animala, que cercla lo bois, l’autbòi aurà pas mai de secrets per vosautres.


Pour en savoir plus sur Arc Nòrd Mediterranèa : cliquez ici

Pour en savoir plus sur Mar e Montanha : cliquez ici