X

14

set

50 ans de borbolh occitan

Del : 14 setembre 2018 18:30

Luòc : 1B Boulevard Bertrand Duguesclin, 34500 Béziers

i

Divendres 14 de setembre
18h30 - 20h

Lo CIRDÒC e l’Institut national de l’audiovisuel lançan un partenariat inedit a l’entorn de la creacion de « 50 ans de borbolh occitan », un site web que tornarà sus un mièg-sègle d’istòria, d’actualitat, de cultura occitana a travèrs los archius de la television e las colleccions del CIRDÒC.

Desirós de portar al grand jorn – e al mai grand nombre ! – las pepitas que contenon los archius televisuals, l’Institut National de l’Audiovisuel e le CIRDÒC s’assòcian per crear una platafòrma interactiva en linha a l’entorn de 50 ans d’istòria sociala, culturala, artistica e politica vistes al prisme de l’occitan e de la cultura occitana. Pont vertadièr d’intrada dins la lenga e la cultura “oc” d’aquelas cinquanta darrièras annadas, aquela fresca entièrament bilingua, frucha d’una collaboracion entre l’Ina, le CIRDÒC e un comitat d’especialistas e d’istorians, s’apiejarà sus los fonses d’archius de la television publica per documentar de tematicas variadas (art, literatura, movements socials, educacion, politica…).

Articulada amb l’enciclopèdia numerica Occitanica , es una ofèrta unenca que se dessenha sus lo web, per metre a la portada de totes la lenga e la riquesa culturala occitana. 

Venètz assistir al lançament : rencontres e projeccions son al programa !

Daissatz un comentari

<