X

13

Nov

Jean-Luc Séverac - Entrebescs

Del : 13 novembre 2018 18:30

Al : 20 decembre 2018 18:00

Luòc : Béziers, France

Activitats : Mòstra, Espectacle

Airal lingüistic : Lengadòc

i

A l'ocasion de la sortida del libre Entrebescs e cançons (TrobaVox, 2018), Jean-Luc Séverac expausa sas obras al CIRDÒC del 13 de novembre al 21 de decembre de 2018, dins una mòstra inedita.

Vernissatge e lecturas musicalas lo dimars 13 de novembre a 18h30, amb Gérard Zuchetto.


A prepaus d'Entrebescs e cançons :
Lo rescontre entre Joan-Luc Severac e Gerard Zuchetto es de 1972, a Menèrba onte Gerard, lo cantaire occitan, e Joan-Luc, dessenhador e escalpraire, parcenejavan afanadivament a la vida culturala ambe d'autres artistas, actaires e militants per un renovèl de la cultura occitana : trabalhar e viure al País.

Mai de quaranta ans durant, cadun a seguit son camin e desvolopat son art al mai luènh de son espirament. Joan-Luc a fargat, a Menèrba onte viu, la Colomba de lum, marca universala de la seuna escalprança e Gerard a contunhat sas reçercas suls trobadors que lo ménan dins lo monde entièr per cantar e ensenhar. Totes dos atroban de novèls dialògs interculturals. Apuèi aquestas annadas, los dos amics se retroban uèi dins aquela òbra comuna acarant lor escritura. E per lo primièr còp Jan-Luc Severac publica sos entalhs e Gerard Zuchetto sas tròbas entrebescadas.

Daissatz un comentari

<