14

Gen

Indians - Sortida publica del darrièr projècte de Erms

Publicat lo 18 decembre per Sandra Juan propausat per OARA
Dins aquel article, se parla de : #Erms

Erms, recebut en residéncia al Molière-Scène d'Aquitaine, del 4 al 15 de genièr de 2016, presentarà lo 14, un espectacle novèl, projècte de recèrca e de creacion musicala a l'entorn del cant de tradicion, dels tèxtes de Marcela Delpastre, Pau-Lois Granier, Jan dau Melhau, Serge Pey... voses occitanas qu'encontraràn las dels amerindians Crazy Horse e Chief Seattle.
Menat per Bernat Combi a la votz, Philippe Sourouille e Jacky Patpatian del trio Erms, questionan la plaça dels occitans d'uèi, Indians novèls ? Indians s'interessarà « a reviscolar las darrièras brasas d'una memòria ofensada ». Entre poesia e musica, los ritmes tribals encontraràn la guitarra electrica, e desvelaràn un univèrs barròc e mistic, marcat per la tradicion occitana.

A la seguida de la sortida publica del 14 de genièr, lo public poirà descobrir Indians :

  • lo 12 de març al Centre cultural La Mégisserie, Saint-Junien. 
  • lo 1er d'abril al Centre cultural Jean-Pierre Fabrègue, Saint-Yrieix-la-Perche
  • lo 2 d'abril al Centre cultural Yves Furet, La Souterraine. 

Presentat pendent la Belle en mai de Mareuil (mai), Indians serà tanben al programa de las Nuits Atypiques, e de la Fira Mediterrania.

Mai d'informacions sul site de l'OARA. 

Daissatz un comentari

<