29

Gen

Dictada occitana : ont la passar ? Ont s'entraïnar ?

Publicat lo 25 genièr per Sandra Juan - CIRDÒC propausat per Centre Occitan del País Castrés

La Dictada es un rendètz-vos annal que permet de promoure e de festejar la lenga occitana dins totas las regions occitanofònas.

Tradicionalament organizada lo darrièr dissabte de genièr, constituís en un  jòc-concors dobèrt a totes e adaptat a totes los nivèls. Portat pel Cercle Occitan del País Castrés, l'eveniment se desrotlarà lo 30 de genièr (atencion lo 29 o lo 31 dins qualques luòcs) que ven dins mai de 40 vilas :
Arles / Aush / Orlhac / Auteriva / Aisace e Òst / Carnolas / Castras / Cáurs-Begós (lo 01/02) / Charreç / Clarmont – Lende / Coarasa / Fois / Gap / Gramat / La Vercantièra / La Vila diu Temple / La Sequèstre (lo 29/01) / Mende / Montalban / Narbona / Niça (2 dictadas) / Nimes / Auranja / Ortès / París / Paulhaguet / Panhac / Puèi Sant Martin / Rodés / Sant-Africa / Sant Seren / Sent-Lis / Sant Martin lo Redond / Sant-Pau-de-Mons /Sant Ponç de Tomièiras / Saorge / Saugue / Seilhac / Seteme-de-Provença / Soston / Sant-Remi-Vilafranca de Roèrgue / Barcelona / Valéncia / Palma (Malhòrca). 

Lo CIRDÒC-Mediatèca occitana s'assòcia al eveniment e propausa sus Occitanica d'entraïnaments en linha e de ressorsas nombrosas per descobrir e ausir la lenga d'òc : 
- los entraïnaments a la Dictada son disponibles aquí 
- e-Anem - per ausir e aprene la lenga e la cultura occitanas en imatge : aquí
- los collectatges - la memòri d'ièr al servici de l'apprentissatge d'uèi : aquí

Daissatz un comentari

Comentari
Lagriffoul Evelyne
29 genièr 2016 19:56
Per la dictada de Vilafranca de Roergue, a Sant Remi, ont es ? e cal contactar quala persona ? Plan coralament, EL
Réponse

<