01

Jul

Forum euroregional "Patrimòni e creacion"

Publicat lo 11 febrièr per Sandra Juan, CIRDÒC propausat per CIRDÒC

Aprèp Rodés, Vilafranca (Mallorca) e Manresa (Catalunya), lo CIRDÒC vos dona rendètz-vos a Castèlnòu d’Arri del 1èr al 3 de julh que ven per participar al primièr Forum euroregional dels actors del Patrimòni e de la Creacion que clavarà 18 meses de projèctes de cooperacion jos l’egida de l’Euroregion Pirenèus-Mediterranèa. 

Nos contactar : info@cirdoc.fr

Telecargar lo dorsièr de premsa 

En version occitana En version francesa En version catalana

Presentacion del Forum 

Lo projècte de Forum « Patrimòni e Creacion » repausa sus una cooperacion entre d'actors culturals de las regions Lengadòc Rosselhon Miègjorn Pirenèus, Catalonha e Balearas, a l'entorn d'una enveja mutuala de descobèrta e de desvolopament de la cultura seuna e de la cultura de l'autre, aquel vesin tant pròche e pertant de còps tant longanh, mas tanben de sa lenga. L'occitan, lo catalan, constituisson lo fondament d'un eretatge partejat e d'una identitat comuna a totes los abitants d'aqueste espaci.

L'encastre euroregional apareis uèi coma lo juste escalon, articulant local e transnacional, per tornar balhar una visibilitat a la creacion culturala especifica de l'espaci occitanò-catalan, permetre l'escambi e la descobèrta, en anant totjorn al rencontre de publics en quista d'elements per noirrir aquestas identitas partatjadas e de còps mal percebudas.

Lo Forum s'articularà doncas a l'entorn de grands axes tematics, explorant plan largament l'ensemble del camp cultural occitanò-catalan (patrimòni cultural immaterial, musicas actualas, teatre, numeric, creacion audiòvisuala, literatura...) eles meteisses declinats en cicles de conferéncias, de taulas redondas, de talhièrs, animats per de professionals de cada sector.

Una programacion pluridisciplinària facha de concèrts, representacions teatralas, projeccions, caminaments, arts populars, amb una atencion particulara portada al public jove, vendrà ritmar los moments fòrts de l'eveniment, aital integrat al dispositiu Total Festum de la region Lengadòc Rossellhon Miègjorn Pirenèus.

Lo Forum Euròregional « Patrimòni e Creacion » se debanarà a Castèlnòu d'Arri (Aude), una ciutat idealament plaçada al dintre de l'Euròregion coma de la nòva Region, dotada d'un patrimòni ric, valorisat del temps de l'eveniment, e d'infrastructuras necessàrias al bon anar d'aquela manifestacion inedicha.

Aquel eveniment es lo compliment d'un projècte lançat en 2014 entre d'actors culturals de referéncia de lors territòris respectius, a las accions e domènis d'expertisa complementaris, jà en partida concretizat d'un caire e de l'autre amb de fruchoses escambis professionals e artistics, e permetrà d'aviar de perspectivas d'avenidor comun, d'entamenar de futuras estructuracions, de lançar un mercat de la creacion, de desvolopar los publics, d'assetar los escambis e la difusion culturala en occitan coma en catalan e aquò a una escala europèa.

Totes los actors culturals de l'espaci euròregional, d'Occitània mai de Catalonha, son doncas convidats del 1er al 3 de julhet de 2016 a Castèlnòu d'Arri. 

Descobrir las 8 tematicas

  • « L’Euroregion Pirenèus-Mediterranèa : un territòri de projèctes creatius d’escala europenca »,
  • « Fondaments e perspectivas istoricò-culturals de l’espaci euroregional »,
  • « Creacion e re-creacion musicala : tradicion, recèrca e contemporaneitat »,
  • « Musicas acutalas e identitat »,
  • «  Creacion audiòvisuala : las lengas regionalas version 2.0 »,
  • «  Escambis teatrals e adaptacions »,
  • «  Estrategias de valorizacion del PCI »,
  • «  Patrimòni e creacion culinària : una autra apròcha culturala ».  

Daissatz un comentari

Comentari
Lise Gros
21 març 2016 16:58
Siái interessada per lo grop : « Création audiovisuelle : les langues régionales version 2.0 » Pense de venir per lei tres jorns e aimariái participar en aquel grop se possible, per Tè Vé Òc.
Réponse
Serguier
15 febrièr 2016 18:20
Bonjour, Je reçois par le CIRDOC, l'information sur les rencontres de Castelnaudary de juillet 2016. Le programme est-il bouclé ? Car nous avons deux ouvrages, concernant la donnée "matérielle/immatérielle", à savoir un livre sur "l'Aïoli" et un sur la "Bouillabaisse", qui ne sont pas à proprement parler des "livres de cuisine" mais une approche mêlant littérature et ethnologie... A vous de me dire ? Cordialement C.S
Réponse
PREVOT Martine
14 febrièr 2016 10:31
Soi responsable de las edicions Edite-moi !, mas publicacions son de libres audiò e me demandavi dins quina mesura podriái participar a vòstre festenal. Plan coralament M. PREVOT
Danís
15 febrièr 2016 11:45
Bonjorn, Totas las personas interessadas nos pòdon sosmetre lors idèias e lor enveja de participar a n'aquel Forum a l'adreiça info@cirdoc.fr. La literatura i aurà de tot biais sa plaça e benlèu traparem mejan de botar en plaça un espaci salon pels editors, entre autres.
Réponse

<