12

Mar

Marcha ! Lo Còr de la Plana a Besièrs

Publicat lo 07 març per Marion Ficat - CIRDÒC propausat per Compagnie du Lamparo
Dins aquel article, se parla de : #Lo Còr de la Plana

Lo còr d'òmes lo mai explosiu d'Occitània serà present a Besièrs lo 12 de mars al teatre municipal per presentar son espectacle Marcha !.

Es dempuèi 2001, que lo grop fondat dins lo quartièr de la Plana a Marselha, torna inventar la vocalitat meridionala en la mesclant a las sonoritats arcaïcas d'una Mediterranèa violenta e cruda. Es un ritual rudimentari, que nos fa tornar a las rasigas del cant polifonic, portat per las voses e las percussions, que reviscòla la memòria incandescenta del repertòri musical dels païses d'òc.
Aqueste projècte polifonic constituït a l'entorn de 5 cantaires explora amb Marcha ! lo repertòri contestaire occitan e marselhés. Inspirats pels cants de trobadors coma pels tèxtes dels poètas-obrièrs del sègle 19 mas tanben mercés a de composicions personalas que lo grop dona carn a la contestacion sus un repertòri musical reïventat que se fa fracassar los esquèmas de la cançon tradicionala.

Besièrs – 12 de mars de 2016 - 20h00 
Teatre Municipal - Alèas Paul Riquet – 34500 Besièrs
Tarifas : 5 a 14 € 
Infos : 04.67.36.82.82

Daissatz un comentari

<