29

Mar

Setmana occitana de la Bibliotèca Max Roqueta de Clarmont d'Erau

Publicat lo 10 març per Sandra Juan, CIRDÒC propausat per Bibliothèque Max Rouquette de Clermont-l'Hérault

Del 29/03 al 02/04, la Bibliotèca Max Roqueta de Clarmont d’Erau, organiza sa tradicionala Setmana occitana. Contes, musica e balèti son al programa d’aquela novèla edicion. E pendent tota la durada de l’eveniment, descobrissètz la mòstra Cultura viva, mesa a disposicion pel CIRDÒC. 

Bibliotèca Max Roqueta de Clarmont d'Erau : 14 rue Louis Blanc. 

Tèl : 04.67.96.42.53

 

Programacion : 

  • Exposicion Cultura Viva - del 21 de març al 18 d’abril 

Aquela exposicion bilingüa, occitan/francés, evoca qualques bocins del Patrimòni Cultural Immaterial del Lengadòc e Rosselhon. Mites, contes e legendas, èstres fantastics, carnavals, fèstas totemicas occitanas e catalanas auràn pas mai de secrèt per vos. 

 

  • Cançons occitanas - lo 29/03 a 18:00


La corala Lo Cocut serà a la Bibliotèca per una serada a l’entorn de la cançon occitana. Son repertòri va de la cançon tradicionala als cants del sègle XX. Un moment de plaser a partejar ensemble. 

Sus reservacion. 

 

  • L’Ora del conte - lo 1/04 a 14:00

Per lo plaser d’escotar d’istòrias en occitan… Una animacion a l’entorn del conte presentada per Tomas Dupuy-Osterman de l’associacion Lectura e òc. 

Pels mainatges de las classas bilingüas en francés/occitan de l’escòla Rostand. 

 

  • Balèti - Mauresca - lo 1/04 dins la cort de la Bibliotèca

Una serada tot public, seguida per un balèti. Aquela serada serà l’escasença pels collegians del Salagon (los qu’auràn trabalhats en amont amb los musicaires de Mauresca) de vos presentar lor trabalh de creacion. 

Sus reservacion. 

 

 

Daissatz un comentari

<