Trobades- rencontres : las datas venentas

Publicat lo 17 març per Sandra Juan, CIRDÒC propausat per La Rampe-TIO
Dins aquel article, se parla de : #La Rampe-TIO, #Trobades-Rencontres

Un luòc misteriós de blanc e de negre, poblat per lusetas coquinas. Una còla d’amics ligats coma los 5 dets del pè, redola. Son totes d’aquel atge benesit ont las diferéncias se cranhisson pas. Lors afinitats naisson alentorn del jòc e lo jòc mena la dança dins los biaisses e las variacions que permeton de se descobrir.

« fai-me paur ! », « aganta-me !», « tira-te d’aquí ! », « Cèba! »

Dins un charivari tendre e inocent, se cercan, se trapan, s’agafan, s’epatan, se cacanhan, s’escacalassan…
Mas, a qual es aquela man giganta que sembla decidar per eles coma l’adult decida per l’enfant ? Un monstre marrit, un parent benvolent, un amic trufarèl ?

Los artistas de TROBADES son totes acostumats a la creacion pels pichons. Amb la dança contemporanèa, l’acrobacia, lo teatre d’ombra, lo jòc de palhassa, los 5 actors-dançaires-equilibristes, fargats d’una teatralitat corporala poderosa, estrambòrdan los joves espectators a la confluéncia de las identitas culturalas e linguisticas de l’Euro Region, tot aquò sus de ritmes joioses e de melodias originalas.

Descobrissètz l'espectacle dins los meses venents :

Pesenàs (34)

Data e orari : Dimars 5 d'abril 2016 : 14:30 (escolars) e 19:00 (tot public)
Luòc : Illustre Théâtre (22 avenue de la Gare du Midi)
Tel : 04 67 98 09 91

Sarlat (24)

Data e orari : Diluns 9 de mai 2016 : 10:30 e 14:00 (escolars)
Luòc : Sala Paul Éluard (Rue Gaubert)
Tel : 05 53 31 09 49

Besièrs (34)

Data e orari : Dimars 10 de mai 2016 a 14:30 (escolars)
Luòc : Teatre municipal (Allées Paul Riquet)
Tel : 04 67 36 82 82


Programators ? Tot lo detalh e los contactes son a tornar trobar aquí.

Daissatz un comentari

<