X

11

Ago

Del 11 al 15 d'agost : Venètz celebrar los 20 ans del Vilatge occitan !

Publicat lo 21 julhet per Sandra Juan, CIRDÒC propausat per Lo Camèl de Fuòc
Al còr de la Fèria de Besièrs, organizat pel Camèl de Fuòc e las Calandretas besierencas, lo Vilatge occitan ofrís als festejaires un espaci dedicat a la descobèrta de la cultura occitana per la musica, la dança, de talhièrs d'iniciacion e tot çò que fa la convivialitat ara plan coneguda del Vilatge. Pendent las festivitats, venètz tanben descobrir una mòstra retrospectiva que prepausa una immersion dins 20 ans de concèrts e de rencontres. Sus la plaça del 14 de Julhet, una seleccion d'afichas istoricas de doas decennias de festivitats, vos convidaràn a descobrir en linha, dins lo quadre d'Occitanica.eu, una galariá virtuala dels temps fòrts del Vilatge. 

Descobrir lo programa jorn aprèp jorn : 

- Dijòus 11 d'agost
- Divendredi 12 d'agost
- Dissabte 13 d'agost
- Dimenge 14 d'agost
- Diluns 15 d'agost

Daissatz un comentari

Comentari
ESCAFIT Joan-Loís
03 agost 2016 19:14
Dempuèi l'an passat, una cooperacion entre Camèl de Fuòc e l'associacion Episode que mena un fum d'accions contra las addictologias (en particular, "festa ben" dins la festas de comunas del besierés) permèt una sensibilisacion mai que mai als riscs de l'alcoòl, amb per exemple un quizz bilingüe occitan francés per corregir unas ideas falsas que son dangerosas non solament per la seguritat rotièra mas tanben per la santat e la patz publicas... Un mejan de parlar en occitan d'aquò sens leiçon de morala e de ganhar una bevenda sens alcoòl a l'estanquèt del vilatge...
Réponse

<