X

06

Oct

Sostenètz la Ronda de Totems e Gigants Europèus !

Publicat lo 06 decembre per Perrine Alsina (CIRDÒC) propausat per Perrine Alranq (pour Les Amis du Poulain de Pézenas)
L'associacion "Les Amis du Poulain" de Pesenàs organiza en partenariat amb la Vila de Pesenàs, lo CIRDOC (Centre de desvelopament de la cultura occitana) e lo CFPCI (Centre Francés del Patrimòni Cultural Immaterial) dos eveniments màgers pels totems d'Occitània en 2017.

Al programa :
Los 1er e 2 de Julhet de 2017
LA RONDA DE TOTEMS E GIGANTS EUROPÈUS
Doas jornadas d'escambis, de debats, de deambulacions festivas per las carrièras de Pesenàs ! I podretz descubrir totems del Bestiari catalan coma La Mullasa o El Lleo de Barcelona mas tanben Gigants de Belgica coma Baudouin IV d'Ath e mai de 30 totems del nòstre parçan !
E lo 2 de Julhet un eveniment màger !
LA NAISSENÇA DE LA FEDERACION DELS TOTEMS D'OCCITÀNIA (nom provisòri)
Una dimenjada que s'anóncia rica de rescontres e de diversitat culturala a l'entorn del Patrimòni Cultural Immaterial !

Mas aquestes dos eveniments vos an de besonh !

"Les Amis du Poulain" lança un finançament participatiu per Ulule per tal de poder realizar aqueste projècte. Per descubrir lo projècte e nos ajudar es per aquí : https://fr.ulule.com/ronde-des-geants/

Alara se n'avètz l'enveja, se lo patrimòni totemic vos transpòrta, que siatz amators apassionats, actors d'aquel bestiari o simple curiós trantalhetz pas a nos contactar sus nòstra pagina Facebook : https://www.facebook.com/Ronde-Europ%C3%A9enne-des-G%C3%A9ants-et-Totems-2017-559572824226660/

Daissatz un comentari

<