X

30

Gen

Edicion de 2017 del concors de novèlas bilingüe del Lector del Val

Publicat lo 30 genièr per Sandra Juan, CIRDÒC propausat per Lecteur du Val

L'associacion de las bibliotècas del Sicoval-Comunautat d'agglomeracion del Sud-Èst tolosenc perseguís aquela annada encara son partenariat amb la Calandreta del Castanet, e Festa d'Òc, en fin de prepausar a sos lectors un concors d'escritura en francés o en occitan.

Reglament de la participacion 

Los amators occitans poiràn participar sus la basa de la frasa seguenta : "Tota estabosida, es a fintar l'orguena granda jos la rosassa : coquin de sòrt, i manca un tudèl !" , punt de despart dobèrt, que daissa la possibilitat de redigir un tèxte siá fantastic, policièr, sciéncia-ficcion, istoric, romanèsc, aventura...

L'ensemble deurà respectar un format cort (6 paginas, 30 linhas per pagina, policía classica còrs 12, 15000 signes maxi, rècto, foliòtadas, agrafadas, non signadas), absolument acompanhadas d'un titól. Lo concors es dobèrt a cada atge, enfants coma adultes, e a totas las variantas de l'occitan.

Lo detalh de las modalitats de participacion e d'inscripcion son de descobrir sul site de l'associacion : Aquí. Los inscriches seràn repartits entre quatre categorias diferentas : escòlas primariás, collègis, licèus e adultes.

Aprèp una clavadura oficiala de las participacions lo 21 de febrièr de 2017, una jurada de professionals de la filièra del libre e de l'edicion presidida aquela annada per l'autor tolosenc Alem Surre-Garcia, designaràn los ganhants de cada categoria, que recebràn lor prèmi lo dissabte 3 de junh de 2017 a la Sala de las fèstas de Deyme. Los laurejats veiràn lors tèxtes publicats e recebràn diferents presents en recompensa. De mai, a l'edicion dels tèxtes seleccionats per la jurada s'apondrarà la realizacion d'un CD-Audió que contendrà los melhors tèxtes occitans recebuts.

 

Informacions practicas :

Site "Le Lecteur du Val" : aquí
Reglament complèt disponible dins las 27 bibliotècas o sus internet a l'adresça : www.lecteurduval.org

Daissatz un comentari

<