X

01

Mar

Apèl a comunicacions e contribucions de las jornadas d’estudi a l’escasença del 90e anniversari de la creacion del Collègi d’Occitània

Publicat lo 01 abril per Aurélien Bertrand (CIRDÒC) propausat per CIRDÒC-Mediatèca Occitana


Apèl a comunicacions e contribucions

Jornadas d’estudi 

Castèlnòu d'Arri 1927-2017 : 90e anniversari del Collègi d’Occitània

 

Le Collège d’Occitanie :

ici et ailleurs

 

8 e 9 de decembre de 2017 a Castèlnòu d'Arri (Occitània, França)

 

Organizacion

Centre InterRegional de Desvolopament de l’Occitan (CIRDÒC)

 

Co-organizacion

 

Centre Lauragais d’Études Scientifiques (CLES)

Université Populaire du Lauragais (UPL)

amb lo sosten de
la vila de Castèlnòu d'Arri
la Comunitat de las comunas de Castèlnòu d'Arri Lauragués Audenc
lo Conselh Departamental d'Aude
lo Conselh regional de la region Occitània / Pirenèus-Mediterranèa
los Archius departamentals d'Aude
lo Collègi d'Occitània

 

Creat a Castèlnòu d'Arri per Prosper Estieu e Josèp Salvat en 1927, lo Collègi d’Occitània joguèt un ròtle màger dins l'afirmacion de la modernitat occitan al sègle XX e prefigurèt los combats e questionaments de l’occitanisme contemporanèu coma los que portavan sus lo sistèma grafic, l’importància de la vitalitat literària, la contra-lectura de l'istòria de França, l'innovacion pedagogica e la fraternitat occitanocatalana.
  Fòrt de l'òbra immensa de sos dos fondators completada per la d’importantas personalitats occitanas coma Loïsa Paulin, Aquiles Mir, August Forés, Antonin Perbòsc, Philadelphe de Gerde, Loís Piat e Ismaèl Girard,  lo Collègi d’Occitània a amassat una importanta bibliotèca e d'archius rics depausats al CIRDÒC en 2013. Aquelas jornadas son estadas pensadas per facilitar l’accès a tota aquela documentacion.

 

A l'entorn del subjècte  « Le Collège d’Occitanie, ici et ailleurs » las comunicacions permetràn de soslinhar l'apòrt de l'associacion e de sos membres al desvolopament scientific e cultural de l’idèa occitana sus lo territòri occitan mas tanben al-delà dempuèi la debuta del sègle XX. S’agirà d'estudiar l'òbra e l’influéncia dels membres del Collègi d'Occitània que, per lor apròcha de l’estudi e de la promocion de la lenga d'òc li an permés d’impactar un public fòrça eterogenèu, a l'encòp popular e scientific, de tota tendéncias politicas, en França coma a l'estrangièr.

    Aquelas jornadas d’estudi seràn programadas al dintre d’una setmana dedicada al Collègi d’Occitània a Castèl nòu d'Arri per una seria de conferéncias, concèrts, visitas e d’una  exposicion que metrà en lum las pèças mai remirablas de las colleccions del Collègi.

       

 

 

Adreiçar las proposicions d'intervencions (1 pagina maximum : resumit, presentacion de l'intervenent) abans lo 31/08/2017 a :

Aurélien Bertrand : a.bertrand@cirdoc.fr
Université Populaire du Lauragais : marietherese.dorgler@hotmail.fr
Centre Lauragais d’Études Scientifiques : clescastel@gmail.com

Daissatz un comentari

<