X

30

Mai

Crida a candidaturas "Musicas Actualas & Innovacion 2017"

Publicat lo 30 mai per Danís Chadeuil (CIRDOC) propausat per Caterva
La crida a candidaturas "Musicas actualas e Innovacion", lançada dins l'encastre del programa CATERVA, es en linha. Caterva es un programa de sosten a l'innovacion en musicas actualas, butit pel Garage Electrique e los partenaris del malhum RCA, amb lo sosten de la DRAC Occitània, de la Region Occitània e del CNV.

OBJECTIU DE LA CRIDA A PROJÈCTS

Aquela crida a candidaturas a per tòca de reperar, acompanha e a desvolopar de projèctes novedisses dins lo sector de la musica eissis d'entrepresas de la region ex-Lengadòc-Rosselhon pendent una dirada de 12 meses a comptar de la seleccion dels premiats.

MODALITATS DE L'ACOMPANHAMENT

Cada projèct acompanhat es jos la responsabilitat d'un pairin membre actiu d'una de las sièis estructuras partenàrias. L'acompanhament repausa sus un estat dels luòcs establit per cada projèct, per bastir un percors personalizat en fonccion de l'estat d'avançament del projcèt. Aquel percors pòt prene la forma (tièra pas complèta donada a títol indicatiu) :

  • d'un apòrt de competéncias e saber-far (formacions, TSF, coaching),
  • del finançament d'estudis e dels otisses necessaris (estudis de mercat, otisses de gestion, estudis de factibilitat...),
  • d'acuèlh fisic al dintre dels burèus dels partenaris del programa,
  • de presa en caga de desplaçaments suls salons professionals del sector musical.

L'acompanhament de las entrepresas premiadas es coordonat per un Comitat tecnic qu'acampa los sièis partenaris del projèct.

CRITÈRIS D'ELIGIBILITAT

Serèn elegibles de projècts que prepausan una innovacion tecnica o sociala dins la produccion, la creacion e la difusion de la musica, ancorats dins una dinamica entreprenedoira.

→ La crida es obèrta a totas las entrepresas del sector musical :

  • Totas las personas moralas, que l'existéncia n'es reconeguda de la lei independentament de las personas o institucions que las possedisson, o que ne son membras,
  • totas las personas fisicas, que, en tant qu'independents, exerçan una activitat economica,
  • que pòdon justificar d'un an d'activitat.

→ L'obligacion d'afiliacion al CNV, tant plan que lo pagament de la taxa suls espectacles de varietats, concernisson pas que las estructuras que relèvan del camp d'aplicacion del CNV.

→ Particularament, serem atentius a tot projèct que concernís (tièra pas complèta donada a títol indicatiu) :

  • los ligams entre la musica e l'imatge, la comunicacion creativa dels projèctes musiclas, la promocion e la comunicacion numerica,
  • l'edicion, la supervision musicala e la prescripcion musicala,
  • la bilhetariá d'espectacle,
  • l'audiònumeric.

→ Lo programa Caterva es obèrt a las entrepresas originàrias dels cinc departaments de l'ex-Lengadòc-Rosselhon : Aude, Gard, Eraut, Lozèra, Pirenèas Orientalas.

CRITÈRI D'APRECIACION

Lo comitat de programacion serà atentiu als critèris seguents :

  • La qualitat generala del dorsièr (contengut, presentacion, lisibilitat, concision),
  • Lo caractèri novedís del projèct,
  • La compreneson del mercat de la musica,
  • Lo modèl economic del projcèt,
  • L'estrategia globala de l'entrepresa.

MODALITATS DE CANDIDATURA

Los dorsièr de candidatura son a emplenar sul site Internet del Garage Electrique  >>>AQUI<<<
Los dorsièrs declarats elegibles seràn sosmeses per examen e decision al comitat de pilotatge.
La seleccion dels projèctes serà establida conjuntament per l'Estat, la Region e lo CNV. Un Comitat de Pilotatge qu'acampa 2 representants de l'Estat, 2 representants dela Region Occitània, 2 representants del Centre Nacional de las Varietats, e de personalitats qualificadas.

CALENDIÈR

Data limita de depaus de las candidaturas : DIMARÇ 5 DE JUNH DE 2017
Realizacion dels diagnostics : entre lo diluns 26 de junh e lo dimècres 5 de julhet de 2017
Demarratge de l'acompanhament : julhet de 2017


NE SABER +

Daissatz un comentari

<