X

05

Oct

Fira Mediterrània de Manresa : catalan e occitan al còr de la creacion mediterranèa

Publicat lo 12 setembre per Fira Mediterrània de Manresa
Dins aquel article, se parla de : #Aqueles, # Bal O’Gadjo, #Cocanha, #Polifònic System, #Roberto Olivan & Laurent Delforge & Cocanha. Socarrel

L'edicion de 2017 de la Fira Mediterrània se debanarà del 5 al 8 d'octòbre a Manresa (Catalonha, Espanha). La FMM representa un eveniment original e d'una granda importància per la creacion en Catalonha. Concebuda a l'encòp coma un festenal e un mercat, la Fira permet de promòure e de difusar las nòvas creacions. Aqueste an encara, son mai de 100 companhias que son acampadas. Amb un mot-clau : despassar las frontièras, encoratjar lo rencontre entre las culturas.

Partenari del projècte « Culturas popularas en dialòg », segond forum euroregional que se tendrà al mes de mai de 2018, la Fira Mediterrània de Manresa, constituïrà mai que jamai un escrinh pels actors culturals occitans, amb tot un pan de sa programacion consacrat a un « focus » sus las culturas vivas occitanas :

·   Aqueles. Punk’s not born 
·   Bal O’Gadjo. Nit de Ball Folk / Concert Bal – Tziganoriental
·    Cocanha. i ès?
·    Cultura viva: fargaires de tradicions. Exposició 
·    Polifònic System
·    Poulain de Pesenàs. Les Amis du Poulain
·    Roberto Olivan & Laurent Delforge & Cocanha. Socarrel
·    Tarasque de Tarascon

Lo CIRDÒC serà present al long de l'eveniment per encontrar los professionals catalans e internacionals del sector cultural, e assegurar sas missions de transmissions e de promocion de la lenga e de la cultura occitanas alprèp del public grand.

Ne saber +

Site de la Fira Meditèrrania de Manresa 
Descobrir lo projècte : Culturas popularas en dialòg – segond Forum Euroregional

Daissatz un comentari

<