19

Oct

« Fira de Teatre Infantil i Juvenil de les Illes Balears », lo festenal de las arts vivas per la joinessa

Publicat lo 12 setembre per Sa Xerxa - Fira de Teatre Infantil i Juvenil de les Illes Balears
Dins aquel article, se parla de : #Florant Mercadier
La Fira de teatre infantil i juvenil de les Illes Baleares (FIET) es lo grand rendètz-vos teatral d’aquela archipèla catalanofòna.

Dempuèi 2003, en octobre, lo vilatge de Vilafranca de Bonany (Malhòrca), sas carrièras e sos ostals se mudan en un empont gigant consacrat a las arts vivas per la joinesa.

Sa Xerxa, son organizator, a tanben concebut la FIET coma un forum e mercat de la creacion, que recampan public familhal, actors culturals de las associacions, artistas, programators e bibliotecaris. Atal, a l’entorn dels espectacles, lo festenal adoba mantun espaci d’escambis e de soscadissa.

Aquesta edicion de 2017 marcada pel signe del Forum euroregional  « Culturas popularas en dialòg » (un projècte portat per lo CIRDÒC,  Sa Xerxa e la Fira de Manresa) se debanarà del 19 al 22 d’octobre. Entre lo quarantenat d'artistas e de companhiás programats, Florant Mercadier, convidat occitan, presentarà Contes del placard.  


Informacions practicas

Entresenhas e programa complèt sul site de la FIET : fiet.cat
Descobrir lo projècte « Culturas popularas en dialòg »

Daissatz un comentari

<