X

18

Mai

Culturas popularas en dialòg - Segond Forum euroregional

Publicat lo 03 abril per CIRDÒC propausat per CIRDÒC-Mediatèca occitana

Al caireforc de las culturas europèas, l’Euroregion Pirenèus-Mediterranèa (EMP) recampa a l’entorn d’un meteis projècte de cooperacion politic, administratiu e cultural, Catalonha, Illas Balearas e Occitània / Pirenèus-Mediterranèa. L’EMP es lo conservatòri d’un patrimòni cultural ric de sa diversitat, que l’occitan e lo catalan ne constituïsson lo fondament d’una identitat partejada per totes sos estatjants.

Aprèp un primièr Forum (« Patrimòni e creacion » - Castèlnòu d’Arri, 2016), lo CIRDÒC, la Fira Mediterrània de Manresa e Sa Xerxa - Fira de Teatre Infantil (FIET) dedican aquela edicion als actors del dialòg cultural, entre Pirenèus e Mediterranèa. Doas jornadas de rencontres, de conferéncias e de fèsta a l’entorn de las culturas popularas d’Occitània, de Catalonha e de las Balearas.

Associacions, confrariás, artistas, federacions… l’ensemble dels actors implicats dins lo manten de las diversitats culturalas e lingüisticas, son convidats a participar a aquel segond Forum euroregional, los 18 e 19 de mai de 2018 al Pont de Gard.

Los 18 e 19 de mai al Pont de Gard (30210 Vers-Pont-du-Gard)
Entrada gratuita sus inscripcion.
Infos : info@cirdoc.fr / 04.67.11.85.10.
Reservacions pel formulari çai-jos.  


Descobrir e telegarcar lo programa de l'eveniment : Aquí

Descobrir lo detalh de la programacion : Aquí




RENCONTRAR E ESCAMBIAR AMB LOS ACTORS DEL DIALÒG CULTURAL


Conferéncias, talhièrs professionals, forums tematics e vilatge cultural, que siatz una associacion, una federacion, un artista… implicats dins lo dialòg cultural, venètz presentar las vòstras accions e rencontrar d’autres actors culturals, per (co)inventar las expressions culturalas de deman. 

 



UNA FÈSTA DE LAS EXPRESSIONS CULTURALAS OCCITANAS E CATALANAS 



Lo Forum, son tanben doas jornadas de fèsta que convidan las populacions de l’Euroregion tota a descobrir, festejar e partejar las culturas popularas d’Occitània, de Catalonha e de las Illas Balearas.



 

LOS DOS JORNS 

Vilatge cultural # Exposition Cultura viva - Fargaires de tradicions (creacion CIRDOC) # Platèl mèdias

Daissatz un comentari

<