X

15

Nov

Tralhaires : una campanha de finançament participatiu per permetre la sortida en CD e DVD de l'espectacle

Publicat lo 06 decembre per CIRDÒC, Sandra Juan propausat per Lo Nau
Dins aquel article, se parla de : #Tralhaires, sur les pas de Félix Arnaudin

La companhiá Lo Nau a dobèrt una campanha de finançament participatiu per fin de sortir un CD e un DVD (Piget Prod) d'una de sas darrièras creacions, « Tralhaires, sur les pas de Félix Arnaudin ».

Tralhaires, la creacion


L'espectacle « Tralhaires » seguís las pesadas de Felix Arnaudin, collectaire metodic de la Nauta-Landa, qu'en immortalizèt los aspres paisatges e ne fiquèt la memòria sus pelicula.
Un fotograf etnològ de las debutas de la fotografia e de las debutas de l'etnologia que reneguèt jamai son èime d'autoctòn enrasigat, testimòni dels cambis a venir dins lo campèstre landés.
Joan Francés Tisnèr, compositor, cantaire e creator, declina, suls brumoses Negre&Blanc 'Arnaudin, de paisatges sonòrs, de cants, de contes, de provèrbis, ligant los mots del poèta als imatges del fotograf, mostrant la fòrça e la completud de son òbra.

 

Sosténer l'edicion d'un CD e d'un DVD de Tralhaires

La campanha en cors deuriá permetre l'edicion d'una version CD de l'espectacle e d'un DVD de la captacion efectuada en març de 2017 per las equipas de Piget Prod. En fin de sosténer aqueste projècte ambiciós, la companhiá a començat en novembre darrièr una campanha de finançament participatiu que se conclurà a la mitan del mes de genièr, via lo site Zeste coop.

Cada contribucion donarà dreit als mercejaments de la companhiá e a una seria de presents que lo detalh es de tornar trobar amb totes los detalhs de l'operacion, sus la pagina del projècte : AQUÍ

 

Daissatz un comentari

<