X

13

Abr

Apèl a comunicacions e contribucions per una jornada d’estudi dels Joves Cercaires en Domeni Occitan

Publicat lo 01 abril per Aurélien Bertrand (CIRDÒC) propausat per CIRDÒC-Mediatèca Occitana

Intellècte e bolegadissa : terrains et pratiques de la jeune recherche en domaine occitan

Jornadas d'estudi dels Joves Cercaires en Domeni Occitan

 

Divendres 13 d'abril de 2018

sala 003 (Caryatides) – Saint-Charles 2

Universitat Paul-Valéry, Montpelhièr

 

 

Aquela iniciativa a vocacion a crear un espaci de rencontre entre los joves cercaires que lor subjècte d'estudi es ligat al domeni occitan.

S'agís a l'encòp de metre en lum la diversitat de las disciplinas transversalas al domeni occitan, mas tanben de soscar a la creacion d'otisses per conéisser e faire conéisser l'actualitat de la joina recèrca en domeni occitan.

La jornada d'estudi s'adreiça als màsters, doctorants e doctors qu'an sostengut lor tèsi dempuèi mens de cinc ans. Permetrà de valorizar lors trabalhs en presentant una comunicacion que portarà sus un aspècte de lor subjècte de recèrca ligat als domenis d’estudis occitans. La jornada serà tanben l’escasença de discutir de las dificultats que los participants rencontran dins l'encastre de lor trabalh de recèrca. A aquel títol, una plaça importanta serà dedicada als debats : cada comunicacion durarà vint minutas e serà seguida d’una discussion de dètz minutas amb l’auditòri. A la fin de la jornada una taula redonda serà organizada en fin de discutir en detalh de las problematicas ligadas a la jove recèrca en domeni occitan.

Las proposicions de comunicacion, d’una longor d’una mièg-pagina, son a mandar al comitat organizaire fins al 15 de genièr de 2017 a l’adreiça seguenta : joverecerca@gmail.com.
Seràn redigidas en francés o en occitan e deuràn faire figurar en preambul una corta biografia (que comprendrà vòstres noms, pichòts noms, adreiça mèl, laboratòri, camp disciplinari e Universitat d'origina).


Comitat d’organizacion :

CHAMPOLLION Alice (D2 Occitan UPV Montpellier)
NOILHAN Cécile (UT2J)
MAZARS Marine (UT2J)
EYRAUD Noémie (D4 Occitan UPV Montpellier)
BASSET Loïc (M2 Occitan UPV Montpellier)

Contact e: joverecerca@gmail.com

Daissatz un comentari

<