X

02

Feb

Participatz a la Fira Mediterrània de Manresa de 2018 : sometètz lo vòstre projècte artistic

Publicat lo 02 febrièr per Sandra Juan, CIRDÒC
Dins aquel article, se parla de : #Fira Mediterrània de Manresa

La Fira Mediterrània de Manresa es un mercat d’espectacles qu’acampa las novèlas creacions artisticas inspiradas pels traches culturals pròpris de Catalonha e de la Mediterranèa. Se celèbra a cada annada dempuèi 1998 e es vengut un quadre d’escambis entre professionals del sector que vendon e crompan d’espectacles.

La Fira Mediterrània a un caractèr interdisciplinari e regropa los diferents lengatges artistics : arts visuals, circ, dança, exposicions, musica, narracion orala e teatre. Los espectacles programats son de diferents formats -pichòt, mejan o grand-, de sala o de carrièra, e adreçats tant al public adulte coma al familial.

La programacion artistica es basada sus dos axes fondamentals :
- La cultura populara : compresa com la qu’alarguís la basa sociala de la cultura, en la fasent arribar a de collectius e de publics novèls.
- Las musicas del monde, amb una atencion especiala a la Mediterranèa.
Parallèlament, la lòtja professionala es un punt privilegiat, un forum ont metre en contacte
artistas e creators, programators, gestionaris culturals, institucions, entitats del 3en sector,
associacions e industrias culturalas.


Participar a l'edicion de 2018 - Convocacion artistica 

En prevision de son edicion de 2018, que se tendrà al mes d'octòbre que ven, la Fira Mediterrània de Manresa a dobèrta sa convocacion a participacion. Aquela s'adreça a totes los artistas e projèctes creatius, que que siá lor talha o lor genre (de sala o de carrièra, per un public adulte o familial).

Podètz sometre un projècte fins al 5 de març de 2018 que ven (a 15o), mercés al formulari en linha partejat sul site : https://firamediterrania.cat/mediterrania2018/ca 

Traparetz sus la meteissa pagina, totes los detalhs e condicions de participacion.


Prèmi Teresa Rebull : Promocion de la produccion musicala tradicionala 

Veirina e sosten de las culturas e musicas del monde, la Fira Mediterrània de Manresa es tanben associada a un ensemble de prèmis e concorses. Lo Premi Teresa Rebull met aital cada annada a l'onor lo « melhor projècte de produccion musicala en cultura populara e tradicionala ». Las inscripcions per l'edicion de 2018 son dobèrtas fins al 16/03 a 15o.

Descobrir lo detalh e las condicions de participacion : https://firamediterrania.cat/ca/premi-teresa-rebull

 

Informacions practicas : 


Site de la Fira Mediterrània de Manresa : https://firamediterrania.cat/ca/

Convocacion artistica de 2018 : https://firamediterrania.cat/mediterrania2018/ca

Prèmi Teresa Rebull :  https://firamediterrania.cat/ca/premsa/notes-de-premsa/convocat-el-3r-premi-teresa-rebull-al-millor-projecte-de-produccio-musical-en-cultura-popular-i-tradicional 

Daissatz un comentari

<