fabrica

Basa : Tota la creacion occitana
Licéncia Licence Ouverte
Charles Camberoque

Charles Camberoque

Domaine d'activité : Photographe
Genre : Arts plastiques / Arts visuels
Secteur : Arts plastiques / Arts visuels
Aire culturelle : Languedoc Méditerranée
Occitan : Un peu
Support : Spectacle vivant


Charles Camberoque pòrta son agach de fotograf sus l'òme e sas identitats. Realiza d'imatges a la recèrca de l'universal dins lo particulièr.

Participa a la fin de las annadas 1970 a l'obratge de referéncia « La Fête en Languedoc » amb Daniel Fabre (Toulosa, Privat, 1977), liurant de fotografias que participan de la compreneson de la fèsta carnavalesca descrita per l'etnològ. Sos trabalhs lo menan dels territòris audencs de son enfança que desvèla e parteja paisatges, rites e legendas, als rivatges mediterranèus fins a la luènha China, o l'insulara Reunion.

Sas fòtos coneisson de pertot un acuèlh calorós dempuèi las vilas chinesas fins a la galariás europeanas : Château d'Eau a Tolosa, Rencontres Photographiques d'Arlas, Centre Georges Pompidou a París, Fondacion Juan Miro ou Primavera Fotografica de Barcelona.

Autor de mantuns libres e filmes vidèo, Charles Camberoque fa dempuèi qualquas annadas partejar sa passion fotografica als estudiants de l'Escòla dels Arts Bèlas de Montpelhièr.

Camberoque es tanben un dels ràres fotograf francés, consacrat per la publicacion prestigiosa dels « Cahiers de la Photographie » qu'editèt, fa ja qualquas annadas, un numèro entièr a l'entorn de son òbra.



Contactez nous a propos de cette page