fabrica
Basa
: Tota la creacion occitana
fabrica
A l'imatge deu cercle familiau a Nadau, deu cercle de pèiras dens la montanha, d'aqueth format per la crotz pirenenca (las quates peras de Gasconha o lo Lauburu basc), o de las nostas danças tradicionaux en rondas per la maja part, las Daunas de Còr qu'an apitat aqueth disc en tribalhar e en escambiar en cercle, en aròu.
Aròu, qu'ei lo cercle dens lo quau se fabrica lo son e s'escambian los espiars, la copa qui permet lo ligam entre las cantairas.
Aròu, qu'ei tanben lo cerlce qui transmuda la fòrma ciclica deu cant tradicionau en ua espirala on e's harga una version unica, on e's viu un present intens e navèth.
Aròu, qu'ei tanben d'aqueth cercle, la boishòrla sonòra qui creish en colors e en clartat, entàth plaser musicau de la nosta escota atau tostemps renovelada.
Aròu, qu'ei lo camp deus possibles, lo camp de qui's harga dens lo cant, aubrint dens un moment unic possibilitats infinidas de vibrar amassa e dab los autes.
Contactez nous a propos de cette page