fabrica

Basa : Tota la creacion occitana
Licéncia Licence Ouverte
Recueil des Noëls provençaux : Lou Reviro-meinage

Recueil des Noëls provençaux : Lou Reviro-meinage

Genre : Poésie
Secteur : Littérature Musique
Aire culturelle : Provence
Occitan : Moitié-Moitié
Support : Livre
Date : 2014
Créateur : Saboly, Nicolas (1614-1675)
Moucadel, Henri (éd.)
Fait partie de : A l'asard Bautezar !


En 2014, pel 400en anniversari de la naissença de Nicolas Saboly, las edicions A l'asard Bautezar ! publiquèron las òbras complètas del nadalista comtadin. Dempuèi sa mòrt, los nadals de Nicolas Saboly (1614-1675) foguèron estats reeditats, mantun e mantun còp, fins a uèi, pròva de la granda popularitat que ten. Pasmens, aquestas reedicions, complètas o parcialas, son generalament fautivas, per omissions, desformacions o apondons inconsiderats. De mai propausan gaireben pas jamai de traduccion, encara mens de nòtas sus la vida locala e nacionala al sègle XVII, susceptiblas de balhar de claus de lectura.

Nòstra publicacion s'aplica precisament a donar los tèxtes de Saboly dins lor grafia d'origina, amb una traduccion justificada e de nòtas que fan lum sus las subtilitats del tèxte, tan al nivèl religiós o politic coma social.

En mai dels nadals, s'i trobarà un panflet de nòstre autor (signat Ylobas) de mai de 500 vèrses suls eveniments ligats a l'annexion d'Avinhon e del Comtat Venaicin per Loís XIV, en 1663. Aquel tèxte, que jamai foguèt pas publicat dins son integralitat ni tradusit ni anotat tanpauc pòt èsser considerat coma la tasta poetica de Saboly, puèi que foguèt redigit gaireben al moment que compausèt sos primièrs nadals...

Henri Moucadel, de Malhana, doctor ès letras, a ensenhat la lenga, la literatura, l'istòria e la civilizacion provençalas a las Universitats d'Avinhon e d'Ais-Marselha. Autor de divèrses articles e obratges suls nadals provençals, las òbras de Mistral, l'istòria locala, es tanben un especialista de sègle XVII e de la vida religiosa de Provença. Èra doncas lo mièlhs plaçat per realizar aquesta edicion complèta de las òbras de Nicolas Saboly.


Contactez nous a propos de cette page