Musica, cant, teatre, dança, poesia, fòto, dessenh, pintura, ràdio...
Aquela dimenjada festiva es l'arribada del projècte participatiu  « Convit a la creacion efemèra » lançat per l'associacion Les Zarzélés en debuta d'annada. Los estatjant son convidats a expausar lors talents artistics, lo faràn lo 14 de mai pendent las aubadas dins lo còr del villatge istoric. 

Al mes de març se son debanats divèrses talhièrs creatius : creacion d'una fresca participativa, mòstra de parpalhòls poetics dins l'espaci public, dessenhs a la greda giganta, "radio express'Oc", entrevistas "micro-trottoir" per los ados del villatge que seràn convidats sul platèu de RLO lo 2 de mai...

10 de mai : 19h-22h sala Occitània - estagi de cant occitan amb Samuel Grolleau del grope Barrut (gratuit sus inscripcion)

15h30 despart del Jardin St Louis : Aubadas dins lo còr de vila, passejada animada per la Cie 24 Carats e ponctuada de pastilhas pluri-artisticas que valorizan los talents dels montbasinencs 

19h00 Concèrt del grope Barrut a La Capèla St Pierre, seguida d'una scèna dobèrta e d'un balèti sul plan del Castèl (restauracion e estanquet sus plaça)

10h-12h, animacions familialas, sèstas sonoras, exposicion e talhièrs del CIRDÒC e intervencions artisticas de la Cie 24 carats. 

16h : « Humpty-Dumpty » de la Companhiá Necitge 2000, espectacle musical intergeneracional (a partir de 6 ans)

Es tanben prevista la publicacion d'un obratge que valoriza l'ensemble de las creacions d'aquel projècte participatiu e innovant... un pont entre las culturas e las generacions. 

Aquel projècte dintra dins lo quadre de la CGEAC (convention de généralisation de l’éducation artistique et culturelle) portada per Sèta Agglopòle Mediterranèa e foguèt retengut per la region Occitània dins lo quadre del festenal Total Festum.

Totes los rendètz-vos son en entrada libre. 

INFORMACIONS PRACTICAS