Talhièrs de doblatge en occitan referenciats sus la basa de donadas ADAGE / lo Pass Culture.

Iniciacion al doblatge de filme en occitan - collègi/licèu per un public de collegians a partir de la 4ena e de liceans.

S'agís de s'iniciar al trabalh de la votz e de la tecnica plan especifica del doblatge per la lenga occitana (modul de 50 minutas)

Descripcion del talhièr

"A partir de tròces de dessenh animats coma Trotet, Cornilh e Bernat, Mini-Lop, partissent a la descobèrta del doblatge en occitan.
Per la sesilha, exploram l'escalfament vocal especific al doblatge, las possibilitats multiplas de la votz per fins d'ensajar de produsir cinc voses plan diferentas. Un bon doblaire sap tanben legir l'occitan, es l'escasença d'esprovar sa capacitat de lectura, lenta, rapida, sens emocion, amb d'emocion, articulada a partir de tèxtes simples en lenga d'òc. Enfin, acabam per la practica del doblatge a la barra, cadun balha la votz als diferents personatges de las ficcions prepausadas.
Aqueles moduls, ja esprovats, permeton d'abordar diversas nocions evidentas :
- una lenga e sa traduccion
- lo doblatge e sa tecnicitat
- l'imatge e la precision dels plans
- lo jòc e lo laissar-anar vocal
- una cultura doblidada mas presenta per totes inconscientament : l'occitan"

Contacte : www.compagnie-lilo.fr