Creadas a l'iniciativa de las edicions L'aucèu libre, Les Rencontres de Salinelles son dempuèi mantunas annadas, un eveniment central per la descobèrta e la promocion de la literatura occitana, tant coma de las arts plasticas.
PRESENTACION
Las primièras Rencontres de Salinelles : littératures et créations d’Oc actuelles, se son tengudas los 15 e 16 de junh de 2019 dins lo pichon vilatge de Salinèlas, pas luènh de Someire (Gard). Aculhit per la comuna dins l'irangeria e lo pargue del castèl, aquel eveniment s'inscriu dempèi dins la durada, propausant un temps d'escambi e de descobèrta a l'entorn de la literatura en lenga d'òc, dins una perspectiva dobèrta e viva, que fa lo ligam entre los grands tèxtes de la tradicion literariá en lenga d'òc e la creacion contemporanèa la mai recenta, en propausant un agach qu'englòba tot l'espaci de lenga d'òc dins sa diversitat.
Al programa cada annada : lecturas mesas en votz e en musica per faire ressondir la paraula d'òc al-delà del libre, conferéncias per faire descobrir los grands tèxtes, concèrts, debats, exposicions mas tanben salon dels editors, espacis pels enfants, concors d'escritura per enfants e joves...
Lo projècte es sostengut per la Region Occitània, lo CIRDOC e Occitanie Livre et Lecture.
Pagina Facebook de la manifestacion : https://www.facebook.com/rencontresdesalinelles/
