X
NIVEAU D'OCCITAN

Vox Bigerri

Estil : Polifonia

Domeni d'activitat : Grop

Airal lingüistic : Gasconha

i

Banhat dins la pratica conviviala de la polifonia espontanèa que tringla del temps de las fèstas pirenencas, Vox Bigerri es un còr professional de cinc artistas cantaires que se consacran a las polifonias de las Pirenèas, de Bigòrra, Bearn, País Basc e Catalonha. Creat en 2004, lo grop donèt mai de 200 concèrts en França e al-delai. Estacat a l'autenticitat de la votz pirenenca, trabalhant sens parar los nombroses plaçaments de la votz minerala qu'alibera d'armonicas, banhant dins lo frasat a l'encòp fluid e vigorós del cant pirenenc, Vox Bigerri s'afirmís uèi coma un des grops màgers per la polifonia, convidat qu'es dins maites festenals, permetent de mostrar a un public nombrós aquela riquesa musicala e culturala. Grop de tradicion e de creacion, lo trabalh sul son tradicional mineral li servís de matèira per desvolopar una apròcha d'uèi, aligant eiretatge e modernitat, de biais decomplexat e ludic ; los cantaires de Vox Bigerri son aital engatjats dins un anar novelaire, caminant suls passes de mèstres ancians que, amb l'ajuda del son, fargan de brius unics, de versions unicas, de moments de viure. Junhent pregondor, aisida, umor e fusion de las voses, coma l'enveja de noirrir las raices de far crèisser las brancas d'avenidor, Vox Bigerri vei la tradicion coma una aucèl voladís e pas brica coma un aucèl de gàbia, permetent la libertat e lo partatge sens moderacion.

Coordenadas de l'artista

Association Le Fil
fenies
81120 Saint Antonin de Lacalm
05 82 95 18 33

Escrivètz a la Fabrica

<

SUIVEZ LES