NIVEAU D'OCCITAN

Erms

Estil : Jazz, Impro, Poësia

Airal lingüistic : Limousin

Membres : Bernard Combi : chant, percussions, Philippe Sourouille : accordéon, Jacky Patpatian : guitare électrique

Qual es que coneis pas encara Bernat Combi, lo chaman lemosindian e sa votz embelinanta, una de las mai impressionantas de la musica occitana actuala ? Caliá a aquel improvisator e a travèrs de musicaires que cranhèsson pas tròp, per l'acompanhar dins son blues rocassós, son gospel pagan, sas salmodias profanas, per lo seguir dins sos sòmis poetics e sos poemas onirics. Aquò serà doncas, pel Triò Erms, Philippe Sourrouille, acordeonista atipic, barrutlaire musical, e Jacky Patpatian, guitarista intemporal e singular, fin e flotejant. Concèrt iniciatic o rite electric ? Es malaisat d'o dire, tant la trànsia, l'improvisacion e la libertat regisson la formacion. D'una musica contemplativa qu'evòca los grands espacis americans, al cant tradicional enrasigat dins lo país lemosin, en passant per de melodias suaudament zen, lo Triò Erms planèja sul monde e l'ensarra. Una ilustracion perfiècha de la poesia de Marcela Delpastre, que vesiá dins sa tèrra lemosina la tèrra sancèra...

Creacions

Prene contacte

<