X
NIVEAU D'OCCITAN

L'Escabòt

Estil : Polifonia

Domeni d'activitat : Grop

Airal lingüistic : Valadas occitanas (Itàlia)

Membres : Elisa Tallone, Federica Saltetto, Marilena Migliore, Paola Giordano, Bruno Simondi , Fabrizio Simondi, Piergiorgio Mattiauda , Piergiorgio Sandroni

i

La dobla passion per lo chant popular e per la question occitanista buta ensem, en l'agost 1999, nòu chantaires amators d’i valadas Grana e Estura (Occitania en Italia) a se jonher en un grop coral a votzes mescladas desota lo nom de Escabòt. Lo pichòt grop (tal es lo sinhificat de escabòt en l’occitan d’aquò nòstre) prepausa uniquament chançons tiradas da la fòrt granda vena de la tradicion populara occitana, de nòstre costat e de lo francés, drecha descendenta de l’inspiracion d’i trobaires. Un repertòri rigorosament occitan, d’i valadas italianas a la Provença, al Lengadòc, a la Gasconha, ont pareiçen classics del chant popular d’Òc e pro d’aires de la tradicion mai reira, en aranjament polifònic efficaç e temperat. Mena ròtle de direcion Fabrizio Simondi, un d’i musicaires fundadors de "Lo Dalfin" abó Sergio Berardo, tamben coneissut en cò nòstre ai apassionats dal chant popular coma ideator e fondador de lo Còro de la Cevito, onte es estat diretor fins al 1998. Energia e passion en un ensem de recenta constitucion, testimòni de lo nòu interés per lo chantar coral, un autre original exemple de la presa de consciença collectiva de la populacion d’i Valadas sobre la question occitanista.

Coordenadas de l'artista

Escrivètz a la Fabrica

<