X

Muriel Batbie-Castell

Estil : Classic

Domeni d'activitat : Cantaire

Recompensa : Ròsa d'argent de la cançon poetica de creacion de l'Acadèmia dels Jòcs Florals per sa cançon Alba Luna.

i

Nascuda a Tolosa, Muriel Batbie Castell fa d’estudis de pianò e de de cant, puèi seguís un cursus d’estudis musicals al licèu Sant Sernin de Tolosa. Trabalha la tecnica vocala amb Geneviève Philip abans de dintrar al Conservatòri Nacional de Region de Tolosa, dins le Departament de Musica Anciana amb Hervé Niquet (Le Concert Spirituel). Contunha sa formacion al Conservatòri de Narbona (Diplòme de cant barròc) e als Conservatòris de Lorient e de Montalban (cant liric), emai en estagi amb mèstres coma Jordi Savall, Michel Verschaeve, Paul Esswood.

La cantaira aima tanben los mots. Seguís, a costat de sas activitats musicalas, d’estudis literaris e linguistics (Licéncia Letras e Arts, Capes d’Occitan). Es aquí que doás passions seunas se van encontrar per la descobèrta del repertòri dels Trobadors, poetas-musicians màgers de lenga d’Oc (sègles 12 e 13). Crea l’ensemble Avinens amb Jodel Grasset e grava un disc « Cants de Trobadors », consacrat a aquela poesia lirica.

Sa curiositat pels repertòris desconeguts la mena a crear tanben l’ensemble Hypocras dirigit per Jean-Christophe Maillard, musicològue, ensenhaire, cercaire e especialista de la museta barròca. Se consacran en concèrt a revelar particions ineditas del Sud (s. 17 e 18).

En 2002, encontra l’organista Christiane van Gorp e crea amb ela lo duo Organicanto en prepausar repertòris variats de l’Edat Mejana al Contemporanèu.

Participa tanben, coma solista convidada, a formacions divèrsas dins mai d’un repertòri o a creacions amb compositors, autors, realizators, fotografes, nacionals e internacionals (J.Michel Maury, Gilles Arcens, Gilbert Isbin, Scott Walton, Lakhdar Hanou, Enric Hernaez, Jean Perissé, Michèle Teysseyre, Esther Granek, Olivier de Robert, Georges Souche, Laurent Audemard, Joan-Francés Tisnèr, Claude Roubichou, Tormod Dalen...).

En 2011, sortís un CD de cants a capella, mesclant melodias ancianas e contemporanèas en 9 lengas diferentas. Puèi en 2013 un single 3 títols, Ars Intima, que s'i acompanha al pianò. Es aquesta meteissa annada que recep lo Prèmi màger (Ròsa d'Argent) de la cançon poetica de creacion decernit per l'Acadèmia dels Jòcs Florals.

Coordenadas de l'artista

www.muriel-batbie-castell.com

Escrivètz a la Fabrica

<