X
getJaugeOccitanitude();*/ ?>

Supereròi

Estil : Jove public, Teatre

Sector : Teatre

Lenga : Occitan

Airal lingüistic : Lengadòc

Annada de parucion : 2016

Creator: El Perro Azul Teatro, Pixel Oc

i

Avèm totes de poders amagats.
Gardam totes una part de mistèri.
Portam totes, al dedins, un supereròi.

Un jove dròlle pantaissaire, que viu solet amb sa menina, reçaup un jorn la visita d'un electrician, que lor còpa la distribucion d'energia per pas aver pagat. Un eveniment trucant que deven una meravilhosa aventura pel dròlle, que se vestís de supereròi per se lançar dins una quista de lutz. Sus las pesadas del maissant electrician qu'emportèt sa grand, serà ajudat d'una sensuala dançairitz, sorgida de la nuèch e del cabaret d'en fàcia per li donar poder e mai coratge, fins al tornar al fogal...e al desvelh. Plan clarament inspirat de l'univèrs de la benda dessenhada, Supereròi nos interròga suls ròtles que jogam totes, sus las aparéncias del sòmi e las illusions de realitat. Servit per una coregrafia milimetrada tanplan coma d'un jòc de mascquetas, de decòrs e de mariòtas, un sol actor carga totes los ròtles, transformant l'espaci escenic en plancas de comic book, encadenadas sus una musica cinematografica que joslinhan l'accion dramatica. Supereròi es l'adaptacion de la peça Superhéroe de la companhiá espanhòla El Perro Azul, e la votz interiora del dròlle que descriu l'accion en off serà jogada en occitan, mercés al trabalh de Pixel Oc.

> Descargar lo dorsièr pedagogic (en occitan) de Supereròi

Daissatz un comentari

<