X
NIVEAU D'OCCITAN

Lo ditz de las femnas

Airal lingüistic : Lengadòc

Annada de parucion : 2016

Creator: Gargamèla théâtre

Editor : Gargamèla Théâtre

i

Concepcion Anne Clément, Millie Dolan. 
Direccion musicala Manu Théron.
Mesa en espaci Isabelle François.
Arrengament vocals Millie Dolan.
Acompanhament Cathy Siorat.
Amb Anne Clément, Millie Dolan e Cathy Siorat.
 

Presentacion de l'espectacle 

An cantat pendent d'annadas e viatjat caduna dins lor cultura. 
E un jorn, an pres una decision : lo grand mescladís, las culturas vistas d'Occitània que se crosan suls camins de la vida, de l'amor, de las femnas al cors dels sègles : l'Occitan, lo piemontés, l'anglés, l'italian, lo francés. 
Cançons ligadas a lors percors d'artistas e de femnas. Una comediana cantaira e doas cantairas musicianas que mesclan lor saber, pel plaser d'un public que viu de mai en mai dins l'escambi cultural. 
Un pari... benlèu ? Paur d'i pas res comprene ? Vos ajudaràn...
Auretz lo dreit de rire, d'èsser bolegats, de somniar e de las acompanhar...
 
Tres voses, un violon : tres femnas. 
 
La produccion d'aquel espectacle multilingüe es per la companhiá una etapa novèla per afirmar la plaça de la lenga occitana al cor de las lengas d'Euròpa. 
 
 

Presentacion de la còla 

Anne Clément, a totjorn volgut èsser comediana (conservatòri de Montpelhièr, e a París, cors Dullin, cors Balachova, etc...). Son primièr trabalh èra lo de cantaira al cabaret de la Contrescarpe. Son rencontre amb Dario Fo l'a mesa sul camin de la cançon populara seguida d'un trabalh amb Giovana Marini al « Teatre de  La Carrièra ». Cant liric amb Diane Coutteure : « Votz parlada, votz cantada » amb lo Théâtre del Giltis de Moscou... etc. 
Lo teatre dins son escritura es ligat a la cançon. 
 
Millie Dolan a cantat amb de coralas dempuèi son enfància. Es totjorn demorada fisèla a sas originas irlandesas, e a travèrs de sos viatges musicals, a sauput mesclar los genres mas es dins la musica fòlc anglesa e americana que posa sas inspiracions principalas e son repertòri dins los diferents gropes ont canta. Son rencontre amb Annette Clément, comediana occitana, li a permés d'apondre a son repertòri de cançons occitanas, catalanas, italianas e del Piemont...
 
Cathy Siorat es nascuda dins una familha de musicians. A set ans, comença l'aprentissatge del violon e seguís una formacion classica (diplôme de fin d'estudís al Conservatòri de Montalban) e de musica tradicionala del centre France (estagis amb Jean-François Vrod). 
A jogat per torn dins d'orquestras classics, de formacions tradicionalas, de cançon francesa, de dança contemporanèa, de comèdias musicalas. S'especializa dempuèi 10 ans dins lo repertòri del violon irlandés, lo «fiddle». 
 
La Companhiá Gargamèla théâtre dempuèi sa creacion (1988), trabalha per la promocion de la cultura occitana en França e en Euròpa. Amb entre autre lo projècte «offspring» (3 ans d'escambi e de collaboracion amb mantunas Cies europèas que trabalhan sus las lengas minoritàrias). 
 

Daissatz un comentari

<