X

Lo Boçut

Estil : Teatre, Teatre de carrièra, Jove public

Sector : Teatre

Lenga : Occitan

Airal lingüistic : Lengadòc

Annada de parucion : 2008

Creator: La Rampe-TIO

i

Un viatge iniciatic, una òda a la libertat… A la debuta creat pel plaser dels pichons, « Lo Boçut » a tanben rescontrat sa capitada en version tot public (teatre, sala polivalenta…)

L’istòria

Un còp èra…Il était une fois… Un jove, boçut, que voliá far lo torn de França per veire de mond, d’altras gens. Sens paur e sens crenhença, se trufa plan de la lei. Al fial dels rescontres, sa quista se revèla : vòl qu’òm lo sòne « camarada » e pas pus « boçut »… Nos entraïna dins son viatge cargat de tresaurs fabulós que sols los contes n’an lo segret…

Causida de la mesa en scèna

Gilles Buonomo e Yves Durand meton en scèna lo conte d’Yves Rouquette e endralhan lor trabalh cap a un estil pròche del teatre de trastets. Los comedians jògan mantun personatge codificats per la masqueta, la musica e l’accessòri.

o...

Causida de la mèsa per carrièira

Una version novela pensada per l’aire liure ! Lo boçut es per carrièira, en deambulatòri, per lo plaser de totes ! Seguissetz l’escapada dels dos comedians Yves Durand e Gilles Buonomo. Aquesta creacion es facha en seguida al trabalh teatralizat menat per la companhiá e jogat mai de cent cinquanta fes… en sala

Causida estetica

Lo decòr es volontariament espurat. Es una rotlòta, simbòl del viatge, que va a l’encòp crear l’espaci de juòc e servir de còfre a malícia. Aquesta causida permet de far referéncia a una de las mai ancianas tradicions del teatre d’òc : lo barrutlatge dels contaires, balandrins, actors, joglaires.

FICHA TECNICA  

Espaci scenic : Per una question de visibilitat, es preferible de preveire una scèna establa e plata (nautor 60 cm) amb jupa negra fàcia al public. 

Dimensions de la scèna : 
- Normalas : 8m de dobertura x 6m de prigondor x 3,50m de naut. 
- Al minimum : 6m de dobertura x 5m de prigondor x 2,80m de naut. 

Poténcia electrica : Presas 16 ampèrs en 220 V. 

Sonorizacion e esclairatge : provesits per la companhiá. Negre imperatiu ! 

Installacion : Montatge 2h / Desmontatge : 1h. 

Còla : dos comedians. Preveire s'es possible, 1 o 2 personas per ajudar al descargament. 

Tarifa : en fonccion del nombre de sessions (nos consultar). 

Contacte Tecnic : La Rampe TIO Magali Noulin : 06 13 35 51 98 / technique@larampe-tio.org 

Daissatz un comentari

<