X

Demièg d'autres, RIVATGES obrèt 25 annadas de seguida per que pòsque renaisse un estrument populari, l'autbòi de Langadòc, qu'als alentorns dels ans 70 èra a mand de desapareisse. Tot de long del sègle XIX e fins a las annadas 50, aquel estrument clantiguèt dins totas las fèstas, las ajustas, los balètis, la bouvino, los Carnavals, dins Gard, Erau, e Losèra. Aquò's lo trabalh afogat (e caput !) de Bruno Salenson (laütièr sòci de la Ciutat de la Musica a París) que, cotria amb los musicaires de l'encontrada, lo reviscolèt.

RIVATGES s'engenhèt alara sensa relambi a lo far sonar. E Aquò a travers de las òbras de còlas de musica e de danças, d'animacions de talhièrs, d'aprendissatges de l'estrument, d'estagis per fabricar los enches. Emai se n'alarguèt lo repertòri estent que s'integrèt a totas menas de còlas mucicalas.

Pretzfach complit. Uèi l'autbòi de Lengadòc es en plen reabilitat. Un fum de musicaires ne jògan sus lo siu terraire nadiu e al delai. Uèi RIVATGES se vòl afecionar a far dardalhar que mai l'autbòi lengadocian e tota sa parentèla occitana e miegterranenca.Vòl butar al rescontre dels estruments, dels repertòtis, dels ensenhaments, e far granar tot aquò per que la pratica dels autbòis populars demoresse viventa e actuala.

RIVATGES, aquò's tanben la recèrca organologica subre l'autbòi e sos enches. Es tanplan un pretzfach de formacion a travers d'estagis de fabrica d'enches, de corses d'autbòi de Lengadòc, e de master class d'autbòis popularis dau Sud.

Creacions e formacions

- La Horde, ensemble musical, e sos espectacles Aubois chiche ?, Horde Nostrum et Horde grand sud.

-Los autbòis de Rivatges

 

De mai, Rivatges es editor d'un manual de fabrega d'ancas (« De l’art de faire les anches de hautbois populaires et anciens » de Bruno Salenson.)

Coordenadas de l'artista

230 Chemin de la Pimprenelle, 30000 Nîmes, France
04 66 75 18 00

Escrivètz a la Fabrica

<