X
NIVEAU D'OCCITAN

Amic Bedel

Sector : Audiovisual

Domeni d'activitat : Realizator, Productor

Airal lingüistic : Lengadòc, Gasconha

Fa part de : Piget

i

Amic Bedel es realizator e productor.

Çò pièger amb Amic Bedel, personatge exigent e perseverant, es que s'acarnassís a far un trabalh de qualitat per filmar lo monde occitan. E aquò's escandalós ! De fach Amic Bedel es un realizator e productor, fondator de la societat Piget, que creèt en 1999.

Pres dins los paradòxes pròpes a totes les realizators occitans (e Diu sap que son nombroses), li agrada d'utilizar las nòvas tecnologias per nos parlar e nos regalar amb un univèrs qu'oficialament interessa pas mai degun. Es dins l'encastre esquizofrenic d'aquesta dualitat vièlhs-novèlas tecnologias que causís de trespassar totes los possibles en trabalhant tanben pel jornalet de França 3 Viure al País dempuèi 2000, e mai recentament pel jornalet Pyrénées-Pireneos. En 2010, cò-fonda Dètz, un collectiu creatiu de professionals de l'audiòvisual occitanofònes. Un labò-vidèo mediatic que desvolopa una plata-forma web e compta uèi quatorze membres, www.detz.tv, e que deuriá logicament se sonar Quatorze, mas aquò fariá cambiar los estatuts e tornar far los pegasolets.

Una de sas darrièras realizacions es la sèria Còp d'Ala, difusida sus França 3, que conta en 20 episòdis l'urbanizacion d'Occitània entre los sègles 9 e 13.

Coordenadas de l'artista

Toulouse, France

Escrivètz a la Fabrica

<

SUIVEZ LES