X
NIVEAU D'OCCITAN

Laurenç Labadia

Estil : Teatre, Teatre de carrièra, Jove public

Sectors : Teatre, Audiovisual, Ràdio

Domeni d'activitat : Cantaire, Comedian, Realizator, Musician, Intervenent

Airal lingüistic : Lengadòc, Limousin, Gasconha

Fa part de : Lilô Théâtre

i

Laurenç Labadia es nascut lo 26 d'octobre de 1971. Agricultor de formacion, s'en vai vers lo teatre, sa passion, puei vers l'occitan, en lijar rapidament los dos.

Gascon que faguet sos estudis d'occitan a Montpelhier avant de s'installar en Dordonha, Laurenç Labadia interven sus tots quilhs territòris, emb de las prepausicions a chasque còp unicas e diferentas.

Costat teatre, creet los espectacles Coquin de Marvin, espectacle per los dròlles sus la securtat rotiera, La leçon de solexcitant, espectacle de charriera en frances e occitan, Yes Ouie Can, espectacle per adòs sus los risques auditius, 107 ans, espectacle per dròlles, Mme Myosotis... E prenguet charn dins diferents personatges a la damanda d'evenaments, coma M. Sarkara, Gora l'Occitanista... daus personatges falords que fissavan lo public per son mai grand plaser, dins de las performanças improvisadas e descabestradas.

Costat cinemà e audiòvisuau, Laurenç Labadia juguet dins daus corts-metratges, n'escrisset, n'en realizet o cò-realizet d'autres (Oc Veituratge, L'Occitanie en baignoire, Prof Sapiença, Professor oc, Lo Cho Shi Shon, ente se tornava lijar emb son gost per los arts marciaus). Collabora tanben coma lo realizator peiregòrd Joan-Peire Denis, en far de la figuracion dins son long-metratge Ici-bas o en participar a l'escritura de son film venent.

Costat doblatge, Laurenç Labadia es director d'actors de doblatge, e actor doblaire per l'associacion Conta'm, basada dins las Pireneias Atlanticas. Montet tanben l'estructura Pixel Oc, que prepausa de las formacions a l'actorat per los occitanofònes, o ben tot de las formacions a l'occitan per los comedians.

Costat radiò, escrisset e interpretet de las serias d'esquetches per França Blua (Peiregòrd, Gironda, Gasconha), coma L'oc à la coque, Paire Nadau o Lolo chef cuistot.

Costat musica, Laurenç Labadia es tanben actiu, e juguet (pifre, pòrta-votz, chant...) dins las formacions Rural Trad Machin e puei Talabast.

Laurenç Labadia es fondator coma Emilia Esquerré de lur companhia, Lilô Théâtre, basada a Mensinhac en Dordonha, vertadier suprt a las creacions de queu comedian multifaceciós.

Las creacions de Laurenç Labadia son lo mai sovent plenas d'umor burlesc o absurde, d'un teatre gestuau que juga daus clichés, e d'un gost per la farça e l'exageracion.

Coordenadas de l'artista

106 hameau de Lacaud
24110 MONTREM
0685128585

Escrivètz a la Fabrica

<

SUIVEZ LES