X

COMPAGNIE LILO

Estil : Teatre, Jove public, Teatre de carrièra

Sectors : Teatre, Audiovisual, Ràdio

Domeni d'activitat : Companhiá

Lenga : Bilingue Occitan-Français

Membres : Laurent Labadie, Émilie Esquerré, Je ne parle pas occitan en public

Airal lingüistic : Limousin

i

La companhiá Lilo foguèt fondada en Dordonha en 1999 per sostenir los projèctes artistics teatrals de dos artistas, Émilie Esquerré e Laurent Labadie. Dempuèi, ancorada dins aquel territòri, la companhiá òbra a produire e difusar de creacions marcadas pel sagèl de la « ruralitat » siá pel subjècte, siá per la difusion. Associada a d'autres artistas, cultiva tanben un estacament a la realitat, per la destornar, se'n trufar o al contrari, ne testimoniar e l'interrogar. 

La companhiá en qualques projèctes e etapas 

Es lo cas del trabalh de Laurent Labadie, qu 'a travèrs de sos espectacles, d'en primièr Mme Myosotis en 2002, la Leçon de Solexcitant en 2007, puèi sas creacions vidèos e radiofonicas, utiliza lo borlesc, l'umor corrosiu per faire existir autrament la lenga del sud de França, « l'occitan » e tota la cultura que i es ligada. 

Émilie Esquerré de son costat, testimònia d'un biais sensible sus d'experiéncias de vida « ordinària » coma una annada a la fac en 2007 amb C'est pas du jeu o dins un ostal de retirada rurala amb Les Vieux Jours en 2011, e mai recentament : Je ne parle pas occitan en public (2018). Aima tanben trabalhar amb de musicians e artistas plasticians locals. 

En practica, la Companhiá Lilo ten totjorn en mesclada, se desvelopa amb vam, un gòt a la man. Lilo es un important paquet d'òmes e de femnas que fabrican ensemble de sòmis e de raisses de solelhs pels pichons e los grands. Lilo es un isclon de creacions de tota mena (musica, teatre joinessa e tot public, audiovisual, formacion...) e en tot luòc e en tot terren e en tota circonstància e en tot un cadun... 

De mai, fàcia al besonh de comedianas e comedians en lenga d'òc,  Pixel'oc – menada per Laurent Labadie e la companhiá Lilo – propausa dempuèi 2015, d'unas formacions destinadas a l'ensemble del territòri occitan – lemosins, gascons, lengadocians, provençals o vivaroalpencs. Aquelas an per objectiu de formar de locutors al jòc d'actor, e al revèrs, d'aprene a de comedians professionals la lenga occitana.  Que dempuèi totjorn, la companhiá assegura un ròtle estructurant sus son territòri, qu'acompanha la creacion e la produccion d'espectacles nombroses e festenals (Cynthia, Coquin de Marvin, festenal Mémoires des Humbles...). 

Actualitats

Dos espectacles novèls, portats per la companhiá, son actualament en difusion : Hans et les Bretelles (Musica e teatre), e Je ne parle pas occitan en public (2018), totes dos meton en scèna Émilie Esquerré.

En parallèla, e del costat de l'audiovisual, lo rodatge de la seria OC veituratge, que seguís son camin per una primièra difusion de venir al mes de genièr de 2019 sus Noa, la TV de Novèla Aquitània. La seria es una coproduccion Mara Films, ÒCtele e França 3 Novèla Aquitània, realizada per Laurent Labadie sus de scenaris d'Alexis Quentin e Jean-Noël Commeres amb los comedians Georges Besombes, Delphine Lafon, Françoise Goubert, Mario Peperoni, Peiou Grosclaude, Émilie Esquerré, Monique Burg, Samantha Grassian-Pichler, Julie Loubère e Yves Durand. 

Ligams utiles :


Pagina internet de la Companhiá Lilo Théâtre : Aquí 

Pagina internet de Pixel'oc : Aquí 

Pagina Facebook de la Companhiá Lilo 

Cadena Youtube de la Companhiá : Aquí

Vidèos 


Descobrir aquí la seriá OC veitura 

Descobrir aquí l'espectacke Hans et les Bretelles 

Coordenadas de l'artista

Le Château, Place du Général de Gaulle, 24350 Mensignac
Compagnie - 0553035217, Compagnie - 0638800356, 0637788612

Escrivètz a la Fabrica

<

SUIVEZ LES