Nascuda dins lo sarladés en Peiregòrd, breçada per las leiçons que li conta sa grand, Monica Burg conta ara en inglés, francés e/o en ocitan.

S'es formada a l'art teatral a Londrés ont a viscut e participat a fòrça experiéncias teatralas.

Al tornar en país occitan, desvolopa un univèrs fantastic e prigondament femenin, ont l'imaginari sorgit coma entre dos èrs per una fenèstra mal tancada …

Una frasa clara e pausada, o una crida fiulada, e lo nòstre fautuèlh ven selva, e la sala mormolha del vent dins las fuelhas e del solelh sus la pèl . Monica burg ten aqueste poder subrebèl de nos emportar tot d'una dins un autre mond, ont lo meravilhos e l'umor s'apiejan totjorn sus una analisi plan fina del mond e de las situacions. 

Creacions :

Dernier sillon et fleurs de cimetière / Laurar la talvera

La fin de la vielhesa es declarada. La nuèit, los vièlhs que pòdon pas dormir se lèvan, marchan e s'encontran. E un jorn, alara que se vòl mostrar de vièlhs al public abans que n'i aja pas mai, se ve qu'an totes desapareguts. 

Tot public a partir de 12 ans – Durada : 1h15

Rien de neuf / Pas res de neve

Del pais de l'òme a la fin del camin, en passant per l'ambicion, la fermentacion, los pels mesclats de la Simòna, la maquina de lavar e lo 45en parallèla, i a de qué se pèrdre e se tornar trobar, coma es arribat a l'Antòni e a totes los qu'an un jorn pres un banh amb lo DracCabal. 

Tot public a partir de 12 ans – Durada : 1h15

La virade / Tornar virar

Tres òmes partits a la cèrca d'un fenomèn, rencontran sus lor camin d'unas femnas, un politician e mai encara. Es pas aisit d'existir que siá femna, òme o vaca. 

Tot public a partir de 12 ans – Durada : 1h15

Un village sans histoire / Un vilatge sens istòria

Diable o Dieu, que causir ? Mas sustot, cossí causir ?
Un fustièr desesperat davant la manca d'interès que Dieu li pòrta, arrèsta de trabalhar.
Après un fum de cridas sens responsa, de solpre e d'encens escampats, de vilatgeses solidaris escrivan lor istòria.

Tot public a partir de 12 ans – Durada : 1h15

De la côte d’Adam à la queue du chat et de la queue du chat au quota / Camin d’espinas

Cossí se fan (e se desfan) las femnas ? 

Tot public a partir de 12 ans – Durada : 1h15

Il y en aura pour tout le monde / Contes de la tripa que japa

De doç e de l'amar per los afamats, los goluts e los bocafinas, per la subrevivéncia e lo plaser, per los qu'an totjorn una tripa que japa, n'i aurà per totes. 

Tot public a partir de 6 ans - Durada : 1h15

Creacion de 2018 :

Alors c’est pour quand ?

Espectacle de conte, de e per Monica Burg

Tot public a partir de 12 ans

Durada : 1h

Una femna que deu donar naissença, un enfant que deu venir al monde. 

« Qué, l’enfant vòl pas sortir ?

Es pas verai ! Si ben, l'es !

Mas perqué ? Aquò lo sabèm pas, alara anam veire, venètz »

Van veire los qu'an una explicacion e los que van ne cercar una. 

Contacte difusion

Contacte difusion : Sirventes : 06 60 50 53 83 / conte.rue@sirventes.com / http://www.sirventes.com