fabrica

Basa : Tota la creacion occitana
Licéncia Licence Ouverte
Compagnie Itinérairebis34

Compagnie Itinérairebis34

Domaine d'activité : Compagnie théâtrale
Genre : Théâtre / Théâtre de rue
Secteur : Théâtre Jeune public
Aire culturelle : Languedoc
Occitan : Un peu
Support : Spectacle vivant
Date : 2004
Créateur : Gilles Buonomo
Ligams



La Companhiá Itinérairebis34 vei lo jorn en 2004 jos la butada de Gilles Buonomo.

Comedian e metor en scèna, s'installa a Menèrban vilatge dels nauts cantons erauteses, conegut alara per son festenal de teatre al qual participarà mantes còps.

Una primièra creacion intimista "Les plaisirs minuscules" liurament adaptada de Philippe Delerm recampa los amics del moment, Fabienne Suwala e Pierre Pages.

D'aquí, lo ton es donat : de pichòtas formas, un colportatge contemporanèu que ven testimòni e messatgièr de la paraula dels umbles e dels saberuts.
Dins l'òrdre dels possibles, lo teatre de la companhiá  Itinérairebis34 s'aparenta a un ostal transportable semblable a una caravana.

Lo trabalh es estructurat a l'entorn d'autors, de tròces de teatre e d'adaptacion de romans al platèu.

La mesa en jòc se dona a veire lo mai sovent dins un espaci despolhat ; los paisatges langatgièrs sonòrs naturals la complètan e ordonan las creacion e las causidas :
  • descobrir d'objèctes dels quotidians, tròces de nòstras vidas per far lot eatre,
  • agafar e jogar amb l'espaci prepausat  e se  rapelar a nòstra condicion d'èstre sentent e caminant,
  • pas cedir a la tentacion del pintoresc, pas teatralizar mas se far ausir,
  • testimoniar de la vitalitat del monde, dels òmes que l'abitan e demorar a la termièra de la natura umana.
 
La volontat de la companhiá Itinérairebis34 es de far un teatre del sensible e de proximitat.

« La beutat del monde, quora existís, s'amerita d'èsser saludada e reconeguda coma una favor o coma un signe de complicitat ». P Sansot


Contactez nous a propos de cette page